ERMENI HABER AJANSI

Անկարայի համալսարանը հրապարակել է «Կրոնական ընկալումները Թուրքիայում» հետազոտության  արդյունքները։ Ըստ հարցման արդյունքների, հարցվածների 92․3%-ը նշել է, որ մուսուլման է, 2․7%-ը` աթեիստ է, իսկ 3․2%-ը նշել է, որ դեսիտ է։

Ամենաքիչ թվով մարդիկ, ովքեր նշում են, որ իրենք մուսուլման են և ամենաշատ թվով մարդիկ, որոնք նշում են, որ իրենք կամ աթեիստ են կամ դեիստ  հիմնականում պատկանում են 55-64 տարիքային  խմբին։

«Կրոնական տեսանկյունից ձեզ ինչպե՞ս կբնութագրեիք» հարցին ի պատասխան՝ հարցվածների 62%-ը հայտնել է, որ իրենց կբնութագրեն որպես կրոնի պահանջները կատարող։

Հարցվածների գրեթե 70%-ը  իրեն կրոնավոր է համարում, 22-%ը նշել է, որ բավականաչափ կրոնավոր է, 6%-ը ընդհանրապես կրոնավոր չէ։

Հարցման արդյունքները նաև ցույց են տվել, որ մասնակիցների 76%-ը ցանկանում է, որ իրենց երեխաները կրոնավոր լինեն, 12%-ը չի մտածում այդ մասին, իսկ 9%-ը չի ցանկանում, որ իրենց երեխաները լինեն կրոնավոր։

Նշվում է նաև, որ մասնակիցների շուրջ 62%-ը ճիշտ չի համարում տարբեր սեռական կողմնորոշումներին իրավական կարգավիճակ տալը, 19․3%-ը ճիշտ է համարում, իսկ 9․5%-ը մասամբ ճիշտ։