Թուրքիայի և Իսրայելի միջև առևտրաշրջանառությունը նվազել է ավելի քան 50%-ով

Տնտեսական10:39, 08 Նոյեմբեր 2023

Թուրքիայի և Իսրայելի միջև առևտրաշրջանառությունը նվազել է ավելի քան 50%-ով

Նոյեմբերի 7-ին Քուվեյթում տեղի է ունեցել Թուրքիայի արդյունահանողների խորհրդի (TİM) և Ստամբուլի տեքստիլ ու հագուստ արտահանողների (İTKİB) միության կողմից կազմակերպված Թուրքիա-Քուվեյթ երկկողմ գործարար հանդիպումներ՝ առևտրային պատվիրակությունների մասնակցությամբ:

Հանդիպումներին մասնակցել է ընդհանուր առմամբ 150 թուրք խոշոր գործարար, ինչպես նաև Թուրքիայի առևտրի նախարար Օմեր Բոլաթը։

Բոլաթը հանդիպումների շրջանակներում կազմակերպված մամուլի ասուլիսի ընթացքում անդրադառնալով Թուրքիա-Քուվեյթ երկկողմ առևտրային հարաբերություններին՝ նշել է, որ Թուրքիան մտադիր է զարգացնելու առևտրային հարաբերությունները Քուվեյթի հետ:

«Թուրքիայում 427 քուվեյթական ընկերություն շուրջ 2 մլրդ դոլար արժողությամբ ներդրում է կատարել»,-հավելել է նա:

Բացի այդ, Բոլաթն անդրադարձել է Թուրքիայի՝ այլ երկրների հետ ունեցած առևտրաշրջանառության ծավալներին և այդ համատեքստում հայտնել Իսրայելի հետ երկկողմ առևտրի ծավալների նվազման մասին:

«Իսրայելի հետ երկկողմ առևտուրը նվազել է ավելի քան 50 տոկոսով»,-ասել է Թուրքիայի առևտրի նախարարը:

Նշենք, որ Թուրքիայում քաղաքացիներն արդեն իսկ սկսել են բոյկոտել իսրայելական ապրանքները, իսկ դրան նոյեմբերի 7-ին՝ ըստ թուրքական մամուլում տեղ գտած պնդումների, միացել էր նաև Թուրքիայի խորհրդարանը:

Խորհրդարանի ղեկավարության կողմից որոշում էր կայացվել ճաշարանների մենյուից դուրս թողնել Իսրայելին աջակցող ընկերություններին՝ «Coca Cola»-ին և «Nescafe»-ին պատկանող արտադրանքը:

Նման գործելաոճը կապված է պաղեստինա-իսրայելական հակամարտության շուրջ Թուրքիայի ունեցած դիրքորոշման հետ:

Աղբյուր` trthaber.com

Այս ենթաբաժնի վերջին նորությունները

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: