Թուրքիայում աղքատության շեմը շարունակում է աճել

Տնտեսական12:23, 31 Հոկտեմբեր 2023

Թուրքիայում աղքատության շեմը շարունակում է աճել

Թուրքիայում հետզհետե ավելի ու ավելի սաստկացող ինֆլյացիայի (գնաճ) ֆոնին Թուրքիայի աշխատավորների արհմիությունների համադաշնությունը (Türk-İş) հրապարակել է ամենամսյա «սովի և աղքատության շեմերին» վերաբերող հետազոտության արդյունքները:

Թուրքիայում սովի շեմ է համարվում այն գումարի չափը, որը ծածկում է չորս հոգուց բաղկացած մեկ ընտանիքի սննդի հիմնական ծախսերը, իսկ աղքատության շեմը՝ վարձակալության և կոմունալ վճարների համար անհրաժեշտ հիմնական ծախսերը:

Ըստ այդմ՝ հոկտեմբերին սովի շեմը կազմել է 13.684 թուրքական լիրա (շուրջ 487 դոլար), իսկ աղքատության շեմը 44.573.3 լիրա (շուրջ 1584 դոլար):

Հատկանշական է այն, որ այս ամենին զուգահեռ Թուրքիայում մեկ մարդու ամսական վաստակը կազմում է միայն 17.803.3 (շուրջ 633 դոլար) լիրա:

Այսպիսով ստացվում է, որ Թուրքիայում ապրող բոլոր հասարակ/աշխատավոր քաղաքացիներն աղքատ են:

Համադաշնության կողմից տվյալների հրապարակումից հետո հետազոտության արդյունքները թուրքական մամուլում ևս հիմնականում հետևյալ կերպ են մեկնաբանվել՝ «Թուրքիայում արդեն բոլորն աղքատ են. աղքատության շեմը 44.573 լիրա է»:

Նշենք, որ սեպտեմբերին աղքատության շեմը կազմում էր 43․433 լիրա (շուրջ 1547 դոլար):

Աղբյուր` kronos36.news

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։