Ռուսաստանը Թուրքիայում կստեղծի գազային հաբ

Տնտեսական15:00, 24 Հոկտեմբեր 2023

Ռուսաստանը Թուրքիայում կստեղծի գազային հաբ

Ռուսական «ՏԱՍՍ» լրատվական գործակալության հաղորդմամբ` թուրքական դիվանագիտական շրջանակների կողմից տրամադրված տեղեկատվության մանրամասներ են հրապարակվել, որտեղ նշվում է, որ Թուրքիայում կստեղծվի գազային հաբ։

Թուրքիայի էներգետիկայի նախարարության և «Գազպրոմի» միջև ձեռք է բերվել պայմանավորվածություն Թուրքիայում գազային հաբ ստեղծելու վերաբերյալ։ Ըստ այդմ՝ կպատրաստվի և կստորագրվի ճանապարհային քարտեզ, որը հնարավորություն կտա գործնական քայլեր ձեռնարկել ծրագրի կյանքի կոչման համար։ Գազային հաբ ստեղծելու ճանապարհային քարտեզը կարող է իրակացվել մինչև ընթացիկ տարեվերջ։

Նշվում է նաև, որ հոկտեմբերին Մոսկվայում կայացած «Ռուսական էներգետիկայի շաբաթվա» շրջանակներում հանդիպել են Ռուսաստանի փոխվարչապետ Ալեքսանդր Նովակը և Թուրքիայի էներգետիկայի և բնական պաշարների նախարար Ալփասլան Բայրաքթարը։ Քննարկման օրակարգային հարցը եղել է Թուրքիայի տարածքում միջազգային գազային հաբի ստեղծումը։

Հիշեցնենք, որ ՌԴ նախագահ Պուտինն իր թուրք գործընկերոջ հետ հանդիպմանն առաջարկել էր Թուրքիայում ստեղծել գազային հաբ և նշել, որ դրա ստեղծմամբ հնարավոր կլինի հանգիստ կարգավորել գները «նորմալ, շուկայական մակարդակով, առանց քաղաքական երանգի»։

Աղբյուր` sabah.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։