Թուրքիան օգնություն է ուղարկել Գազա

Հասարակական10:40, 24 Հոկտեմբեր 2023

Թուրքիան օգնություն է ուղարկել Գազա

Թուրքիայի առողջապահության նախարար Ֆահրեթին Քոջան հայտարարել է, որ Անկարան հումանիտար օգնությամբ բեռնված 4 ինքնաթիռ է ուղարկել Գազա։ Տրամադրվող օգնությունն ուղարկվել է Եգիպտոս, որտեղից ցամաքային ճանապարհով կտեղափոխվի Գազա։

Առողջապահության նախարարի խոսքով՝ Գազա է ուղարկվել գեներատորներ, որոնք կապահովեն անխափան էլեկտրաէներգիա, բժշկական սարքեր, պարագաներ, դեղորայք, սնունդ, տակդիրներ, հիվանդների և վիրավորների կարիքները բավարարող այլ անհրաժեշտ պարագաներ։

Միևնույն ժամանակ Քոջան նշել է, որ Թուրքիան Պաղեստինի ժողովրդի կողքին է և հավելել․ «Թուրք ազգի անունից ուրախ ենք հանդես գալ նման պատասխանատվությամբ։ Այս մարդասիրական պատասխանատվությունն այսքանով չի ավարտվում, այն կլինի շարունակական»։

Հիշեցնենք, որ հոկտեմբերի 13-ին Կարմիր մահիկի և Թուրքիայի պաշտպանության նախարարության և Աղետների ու արտակարգ իրավիճակների կառավարման վարչության (AFAD) համագործակցությամբ ռազմական ինքնաթիռով մարդասիրական օգնություն էր ուղարկվել Գազա։

Աղբյուր` Ermenihaber.am

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։