Թուրքիայից ավտոմոբիլային արտադրանքը ամենաշատն արտահանվում է Գերմանիա

Տնտեսական12:42, 20 Հոկտեմբեր 2023

Թուրքիայից ավտոմոբիլային արտադրանքը ամենաշատն արտահանվում է Գերմանիա

Թուրքիայի Ուլուդաղ նահանգի ավտոմոբիլային արտադրանք արտահանողների միությունը տվյալներ է հրապարակել, ըստ որի՝ Թուրքիայում 2023-ի հունվար-սեպտեմբեր ամիսներին ավտոմոբիլային արտադրանքի արտահանումը աճել է 10%-ով՝ կազմելով 10․6 մլրդ դոլար։ Ընդհանուր առմամբ նշվում է, որ ավտոմոբիլային արտադրանքի արտահանումը կազմում է 25 մլրդ 618 մլն դոլար։

Նշվում է նաև, որ հունվար-սեպտեմբեր ամսիներին արտահանումներ են իրականացվել 200-ից ավելի երկրներ, ազատ գոտիներ և ինքնավար մարզեր։

Համաձայն հրապարակված տվյալների՝ Թուրքիայի ավտոմոբիլային արտադրանքի արտահանման ամենախոշորածավալ ուղղությունը Գերմանիան է։ Թուրքիայից այդ երկիր կատարված արտահանումն անցյալ տարվա նույն ժամանակահատվածի համեմատ աճել է 9․97%-ով և կազմել 2 մլրդ 472 մլն դոլար։

Ավտոմոբիլային արդյունաբերության արտահանման ծավալները դեպի Ռուսաստան աճել են 64․41%-ով և կազմում են 700 մլն, Իտալիա արտահանումը աճել է 12․71%-ով և կազմում է շուրջ 666 մլն դոլար, իսկ դեպի Ֆրանսիա՝ 17․67% աճով կազմել է 633 մլն դոլար։ Այս երկրներին հաջորդում են Մեծ Բրիտանիան, Իսպանիան, Լեհաստանը, Ռումինիան և Բելգիան։

Աղբյուր` tr.al-ain.com

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։