Հասարակական15:47, 17 Հոկտեմբեր 2023
Թուրքիան հերքել է կես միլիոն պաղեստինցիներին ապաստան տալու մասին լուրը
Թուրքիայի հանրային կապերի վարչությանը կից կեղծ ինֆորմացիայի դեմ պայքարի կենտրոնը պաշտոնական հայտարարությամբ հերքել է 500.000 պաղեստինցիների Թուրքիա տեղափոխելու համար նախապատրաստական աշխատանքներ իրականացնելու մասին պնդումները:
Տարածված հայտարարության մեջ սոցիալական հաշիվներում և մի շարք մեդիաներում շրջանառվող լուրերը որակվել են անհիմն: Նշենք, որ նման հայտարարությամբ «Sözcü TV»-ի ուղիղ եթերում հանդես էր եկել իշխանամերձ «Sözcü» պարբերականի հոդվածագիր Նեդիմ Թուրքմենը:
«Իմ ստացած տեղեկությունների համաձայն՝ 500.000 պաղեստինցիների Թուրքիա տեղափոխումն օրակարգում է: Ես տեղեկություններ եմ ստացել, որ դրա հետ կապված թե՛ Անկարայում և թե՛ մեր հարավում նախապատրաստական աշխատանքներ են իրականացվում: Աշխատանքներ են կատարվում 5 մլն բնակչություն ունեցող Պաղեստինի 10 տոկոսը Թուրքիա տեղափոխելու համար»,-ասել էր նա:
Հիշեցնենք, որ Գազայի հատվածում իշխող «ՀԱՄԱՍ» խմբավորումը հոկտեմբերի 7-ին էր լայնամասշտաբ հարձակման անցել Իսրայելի ուղղությամբ: Ինչից հետո հայտարարվել էր երկուստեք ռազմագործողության իրականացման մասին:
Իսրայելը նաև հայտարարել էր Գազայի շրջանն ամբողջապես ապաշրջափակելու մասին, որն իրենից ենթադրում էր սննդի, էլեկտրաէներգիայի, ջրի և այլ տեսակի մատակակարարումների դադարեցում:
Այժմ Իսրայելը պատրաստվում է իրականացնել ցամաքային ռազմագործողություն, ինչի համար հորդորել էր Գազայի բնակչությանը հյուսիսից տեղափոխվել քաղաքի հարավային շրջաններ:
Այս ենթաբաժնի վերջին նորությունները
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Թուրքիայում իշխող կուսակցությունը հետազոտություն է իրականացրել՝ պարզելու հասարակության 2026-ի տնտեսական ակնկալիքները։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Հոդվածում անդրադարձ կա ռուս-ուկրիանական համակարտությանը և Ռուսաստան-Ադրբեջան հարաբերությունների ներկայիս փուլին։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |