Բիլգիչն արձագանքել է Բայդենի՝ Սիրիայի խնդրի հետ կապված հրամանագրի երկարաձգման որոշմանը

Քաղաքական14:32, 13 Հոկտեմբեր 2023

Բիլգիչն արձագանքել է Բայդենի՝ Սիրիայի խնդրի հետ կապված հրամանագրի երկարաձգման որոշմանը

Թուրքիայի արտգործնախարարության խոսնակ Թանժու Բիլգիչը գրավոր պատասխանել է 2019-ի ԱՄՆ-ի նախագահի «Ազգային արտակարգ իրավիճակ» վերնագրով՝ Սիրիային առնչվող հրամանագրի հետ կապված հարցին։

Մասնավորապես Բիլգիչը նշել է, որ եթե ԱՄՆ-ն կողմնակալություն անելու փոխարեն աջակցի Թուրքիային, երկկողմ հարաբերությունները կամրապնդվեն։

«Եթե ԱՄՆ-ն բոլոր այս միակողմանի գործողությունների փոխարեն աջակցի, հասկանալով Թուրքիայի այն քաղաքականությանը, որն առաջնահերթություն է տալիս Սիրիայի կայունթյանը և ամբողջականությանը, էլ ավելի շատ կհամապատասխանի երկու դաշնակիցների արմատական և արժեքավոր հարաբերություններին։ Այս համատեքստում սպասում ենք, որ ԱՄՆ-ն վերջ կդնի անջատողական ահաբեկչական խմբավորումների հետ իր նշանադրությանը (մերձեցում) և կյանքի կկոչի 2019-ի հոկտեմբերի 17-ի համատեղ հայտարարության դրույթները»,- ասել է նա։

Նշենք, որ ԱՄՆ նախագահ Ջո Բայդենը հայտարարել էր, որ 2019-ի հոկտեմբերի 14-ին Սիրիայում տիրող իրավիճակի վերաբերյալ ընդունված նախագահական հրամանագրի ժամկետը երկարաձգելու նպատակով այն տարվել է ԱՄՆ Կոնգրես։

Նման քայլը բացատրվել է Սիրիայի ներսում տեղի ունեցող զարգացումներով, ինչպես նաև ԱՄՆ ազգային անվտանգությանը և արտաքին քաղաքականությանն ուղղված «Անսովոր և արտասովոր» սպառնալիքներով։

«Հատկապես Սիրիայի հյուսիսում թուրքական կառավարության կողմից իրականացվող ռազմագործողության համար արվող քայլերը վտանգում են տարածաշրջանում խաղաղությունը, կայունությունն ու անվտանգությունը, ինչպես նաև թուլացնում «DEAŞ»-ի դեմ պայքարը»,-ասել է Բայդենը։

Բացի այդ ԱՄՆ նախագահը նշել է, որ Սիրիայում տիրող իրավիճակը շարունակում է ԱՄՆ-ի ազգային անվտանգության և արտաքին քաղաքականության համար սպառնալիքներ ստեղծել։

Թուրքական մամուլում Բայդենի որոշումը որակվել է որպես «Քայլ ընդդեմ Թուրքիայի»։

Աղբյուր` haber7.com

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։