Թուրքիայում համացանցն ազատ չէ

Հասարակական16:59, 04 Հոկտեմբեր 2023

Թուրքիայում համացանցն ազատ չէ

Ամերիկյան «Freedom House» հետազոտական կազմապերությունը հրապարակել է «2023-ին համացանցի ազատության» զեկույցը:

Զեկույցի համաձայն՝ Թուրքիան համացանցի ազատականության տեսանկյունից, հնարավոր 100 միավորից հավաքելով միայն 30-ը, դասակարգվել է «անազատ» բաժնում:

Ըստ ամերիկյան կազմակերպության սահմանած չափանիշների՝ 70-ից 100 միավորի արժանացած երկրները դասակարգվում են «ազատ», 40-ից 69-ը՝ «մասամբ ազատ», իսկ 0-39-ը՝ «անազատ» բաժնում:

Հետազոտության հիմքում ընկած է ուսումնասիրության 3 թեմա. «Մուտքի խոչընդոտներ», «Ներքին սահամնափակումներ» և «Օգտագործման իրավունքի խախտումներ»:

Թուրքիան «Մուտքի խոչընդոտների» ուսումնասիրման արդյունքում վաստակել է հնարավոր 25-ից 12, «Ներքին սահմանափակումների» դեպքում 35 հնարավորից՝ 10 և «Օգտագործման իրավունքի խախտումների» դեպքում 40 հնարավորից՝ 8 միավոր:

Նշենք նաև, որ զեկույցի համաձայն՝ 2023-ի տարեսկզբի դրությամբ Թուրքիայի բնակչության 83.4 տոկոսն է օգտվում համացանցից, իսկ համացանցի հասանելիություն ունեցող տնային տնտեսությունները 94.1%-ն են:

Բացի այդ, ուշադրություն է դարձվում այն բանի վրա, որ Թուրքիայում հետզհետե աճող ինֆլյացիայի (գնաճ) պայմաններում համացանցի տրամադրման վճարը ևս թանկանում է, ինչն էլ առաջ է բերում մեկ այլ խնդիր. ֆինանսական անբավարար միջոցների պատճառով շատերը հնարավորություն չեն ունենում օգտվելու դրանից:

Աղբյուր` amp.dw.com

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։