Հասարակական17:01, 27 Սեպտեմբեր 2023
Թուրքիան «միգրացիոն պահեստ» Եվրամիության համար
Եվրոպական երկրները շարունակում են անհանգստանալ անօրինական փախստականների խնդրով, որը վերջին շրջանում տարածվել է ամբողջ Եվրոպայում։ Մանավորապես Գերմանիայի ներքին գործերի նախարար Նենսի Ֆայզերը հայտարարություն է արել ԵՄ երկրներում աճող փախստականների վերաբերյալ և որպես լուծում մատնանշել է Թուրքիային։ Ֆայզերը նաև նշել է, որ անհրաժեշտ է Թուրքիայի հետ ավելի սերտ համագործակցել և ԵՄ-Թուրքիա միգրացիոն համաձայնագիրը թարմացնել։
Նմանատիպ հայտարարությամբ է հանդես եկել նաև Հունաստանի միգրացիայի նախարար Դիմիտրիոս Կայրիդիսը։ Նա ցանկություն է հայտնել, որ ԵՄ-ի և Թուրքիայի միջև 2016-ին Հունաստանի նախաձեռնությամբ ստորագրված միգրացիոն համաձայնագիրը նորացվի և ընդլայնվի։
Միգրացիայի նախարարը «ERT» հեռուստաալիքի եթերում հայտարարել է․ «Համաձայնագիր ենք ուզում ստորագրել, դրական մթնոլորտ է։ Համաձայնագիրը կնքվելու է Թուրքիայի և Եվրոպայի միջև, դա թուրք-եվրոպական խնդիր է»։
Կայրիդիսը նշել է, որ դեկտեմբերի 7-ին Սալոինկում կկայանա Թուրքիա--Հունաստան Բարձր մակարդակի համագործակցության խորհրդի ժողովը, որի ընթացքում վերոնշյալ հարցը կլինի օրակարգում
Կայքը հետևյալ լուրերը մեկնաբանել է որպես․ «ԵՄ-ն նոր համաձայնագիր է փնտրում, որպեսզի «միգրացիոն պահեստի» վերածի Թուրքիան։
Հիշեցնենք, որ 2016թ. մարտի 18-ին Եվրամիության և Թուրքիայի միջև ստորագրվել է փախստականների մասին համաձայնագիր այն բանից հետո, երբ 2015-ին Սիրիայում տեղի ունեցած քաղաքացիական պատերազմից փախչող հարյուր հազարավոր փախստականներ եկան Եվրոպա: Համաձայնագրի համաձայն՝ Անկարան համաձայնել է հետ վերցնել փախստականներին, ովքեր Թուրքիայի տարածքով ապօրինաբար անցել են Էգեյան ծովի հունական կղզիներ և համաձայնվել է պայքարել մաքսանենգերի դեմ ու այդ ամենի դիմաց ԵՄ-ն Թուրքիային տրամադրել է ֆինանսական օգնություն։
Այս ենթաբաժնի վերջին նորությունները
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Նրան X-ում հետևում է շուրջ 10 մլն մարդ։
Թուրքիայի վիճակագրական ինստիտուտը տվյալներ է հրապարակել 2024-ին երկրում տեղի ունեցած ճանապարհատրանսպորտային պատահարների մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |