«Կաջակցեի ցանկացած արաբի, ով կառաջադրվեր Թուրքիայի նախագահ և կքանդեր Աթաթուրքի արձանները». քուվեյթցի գրող.

Հասարակական18:59, 18 Սեպտեմբեր 2023

«Կաջակցեի ցանկացած արաբի, ով կառաջադրվեր Թուրքիայի նախագահ և կքանդեր Աթաթուրքի արձանները». քուվեյթցի գրող.

Քուվեյթցի գրող Աբդուլազիզ Դուվայիհի բեն Ռումեյիհը Twitter-իր X միկրոբլոգում անդրադարձել է Թուրքիային և այդ պետության հիմնադիր ու առաջին նախագահ, գեներալ Մուստաֆա Քեմալ Աթաթուրքին: Նա մասնավորապես նշել է․ «Թուրքիայի քաղաքացիությունը չնչին ներդրում է պահանջում, կատարեք 400․000 դոլարի ներդրում և միանգամից ստացեք քաղաքացիություն։ Ես կաջակցեի ցանկացած արաբի, որը ստանար այն, առաջադրվեր Թուրքիայի նախագահի պաշտոնի համար, քանդեր Աթաթուրքի արձանները և վառեր նրա նկարը»։

Քեմալական ընդդիմադիր գործիչ Ումիթ Օզդաղը սոցցացնում գրել է․ «Ես խստորեն դատապարտում եմ քուվեյթցի գրող Աբդուլազիզ Դուվայիհի բեն Ռումեյիհի մեղադրանքներն ու վիրավորանքները՝ ուղղված մեր կուսակցության և մեր երկրի առաջնորդ Մուստաֆա Քեմալ Աթաթուրքի հասցեին»։ Այնուհետև դժգոհել է, որ սոցցանցերում յուրաքանչյուր գրառումից հետո քայլեր ձեռնարկող իշխանական կուսակցությունն այս անգամ լռություն է պահպանում:

Քուվեյթցի հեղինակի սկանդալային գրառմանն արձագանքել է նաև Թուրքիայի ընդդիմադիր «Հաղթանակ» (Zafer) կուսակցության նախագահ Ումիթ Օզդաղը՝ հայտարարելով. «Այս անպատիվ քուվեյթցին խորհուրդ է տալիս արաբներին հանել իրենց փողերը Թուրքիայից, վիրավորում է Աթաթուրքին և բոլոր նրանց, ովքեր սիրում են Աթաթուրքին։ Մեր կուսակցությունը դեմ չէ, որ զբոսաշրջիկները կամ ուսանողները գան Թուրքիա սովորելու։ Բայց չենք ցանկանում, որ այս քուվեյթցի սրիկան լինի մեր երկրում»:

Աղբյուր` bursadabugun.com

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։