Ստամբուլում չեն թույլատրել Մեհսա Էմինեի հիշատակին նվիրված միջոցառում անցկացնել

Հասարակական10:13, 15 Սեպտեմբեր 2023

Ստամբուլում չեն թույլատրել Մեհսա Էմինեի հիշատակին նվիրված միջոցառում անցկացնել

Ստամբուլի նահանգապետարանը Բեյազիտի հրապարակում չի թույլատրել անցկացնել Իրանում ոստիկանների կողմից ձերբակալված, ավելի ուշ մահացած 22 տարեկան Մեհսա Էմինեի մահվան տարելիցին նվիրված արարողությունը:

Ավելի վաղ հիշյալ միջոցառումն իրականացնելու նպատակով թույլտվություն ստանալու համար Ստամբուլի նահանգապետարան էին դիմել Թուրքիայում գործող մի շարք հասարակական կազմակերպություններ:

Հիշեցնենք, որ դեպքը տեղի էր ունեցել Իրանի մայրաքաղաք Թեհրանում: 2022-ի Սեպտեմբերի 13-ին գլխաշոր կրելու կանոնները չպահպանելու հիմունքներով ոստիկանությունը ձերբակալել էր Էմինեին, ինչից հետո 22 տարեկան աղջիկն ընկել էր կոմայի մեջ:

Ոստիկանական բաժանմունքից հիվանդանոց տեղափոխվելուց մի քանի օր անց՝ սեպտեմբերի 16-ին, աղջիկը մահացել էր, ինչի հետևանքով Իրանում բազմահազարանոց ցույցեր էին սկսվել, որոնք էլ նորվեգական «İran Human Rights» հասարակական կազմակերպության տվյալների համաձայն՝ հանգեցրել էին 537 մարդու մահվան:

Աղբյուր` diken.com.tr

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։