Վանա լճում ջրի մակարդակն օրեցօր նվազում է

Հասարակական15:46, 14 Սեպտեմբեր 2023

Վանա լճում ջրի մակարդակն օրեցօր նվազում է

Թուրքիայի տարածքում գտնվող և տեղի բնակիչների կողմից «ծով» կոչվող Վանա լճում ջրի մակարդակն օրեցօր նվազում է կլիմայի փոփոխության ու երաշտի պատճառով։

Արբանյակային պատկերներում արտացոլված են նաև լճի ափերին տեղի ունեցած փոփոխությունները, որտեղ դարերով ձևավորվել են միկրոբիալիտներ, անցյալում ջրի մակարդակի բարձրացման հետևանքով ջրի տակ ընկած պատմական կառույցներն ու բնակելի տարածքները:

Այս տարվա հուլիս ամսվա արբանյակային նկարներում, որոնք Վանի Յուզունջու Յըլի համալսարանից Մուստաֆա Աքքուշը համեմատել է NASA Landsat-ի և Եվրոպական տիեզերական գործակալության Sentinel-2 արբանյակի պատկերների հետ 2 տարի առաջ արված, որտեղ երևում է, որ շատ վայրեր, որոնք նախկինում ջրի տակ էին, վերածվել են ցամաքի։

Արբանյակային պատկերների գնահատման ժամանակ Աքքուշն ասել է, որ քարտեզի վրա Վանա լճի ձևը որոշ շրջաններում փոխվել է երաշտի պատճառով։ Նշելով, որ փոփոխությունը հստակ երևում է նախորդ տարիների արբանյակային պատկերները ներկայիս արբանյակային պատկերների հետ համեմատելով, նա հայտարարեց, որ 10-15 քառակուսի կիլոմետր տարածքը ցամաքի է վերածվել։

Աքքուշը հայտարարել է, որ տեղումների նվազման և սեզոնային նորմայից բարձր ջերմաստիճանի ազդեցության տակ գտնվող լիճն օրեցօր ավելի ու ավելի շատ ջուր է կորցնում։ Լճի շուրջը մոտ 3 մլն մարդ է ապրում և լճի էկոհամակարգը լուրջ վտանգի տակ է։ Դրանից բացի՝ Վանա լճի ափամերձ հատվածի նահանջը և ջրաճահճային տարածքների կրճատումն ազդում են նաև չվող թռչունների սնման և բազմացման տարածքների վրա։

Աղբյուր` rudaw

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։