ԵՄ-ն Կիպրոսի թուրքերին կտրամադրի 31․7 մլն եվրո աջակցություն

Տնտեսական18:24, 13 Սեպտեմբեր 2023

ԵՄ-ն Կիպրոսի թուրքերին կտրամադրի 31․7 մլն եվրո աջակցություն

Եվրոպական միության (ԵՄ) հանձնաժողովը հայտարարություն է տարածել, որտեղ նշվում է, որ հաստատվել է Կիպրոսի թուրքական համայնքի 2023 թվականի ծրագիրը, ըստ որի Կիպրոսի թուրքերին կտրամադրվի ընդհանուր առմամբ 31․7 մլն եվրո աջակցություն։

Հայտարարության մեջ նշվում է, որ այն ուղղված է Կիպրոս կղզու վերամիավորմանը նպաստելուն։ Հատկապես շեշտվել է, որ օժանդակության ծրագրերում կխրախուսվեն էներգիաարդյունավետության և վերականգնվող էներգիայի ծրագրերը։ Հայտարարության մեջ նշվում է, որ 2006-2023թթ. ընթացքում տարբեր ծրագրերի շրջանակներում ընդհանուր առմամբ տրամադրվել է 688մլն եվրո գումար։

Կիպրոս կղզու վերամիավորման համատեքստում նշվել է, որ Կիպրոսի թուրքերը կգործեն ԵՄ ստանդարտներին համապատասխան և կաջակցեն Կանաչ գծի (Կիպրոսում ապառազմականացված ՄԱԿ-ի բուֆերային գոտի) երկայնքով առևտրին։

Ինչպես նաև տեղական բիզնեսին կտրամդրվեն հատուկ տեխնիկական աջակցություն և դրամաշնորհներ, կաջակցեն մասնագիտական կրթությանը, զբաղվածության աճին և կհեշտացվի աշխատուժի շարժունակությունը։

Կշարունակվի ֆինանսավորումը Կիպրոսի մշակութային ժառանգության տեխնիկական կոմիտեին, ինչպես նաև ակադեմիական կրթաթոշակային ծրագրերին։

Աղբյուր` sozcu.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։