ԵՄ-ի և Թուրքիայի միջև ստորագրվել է 781 մլն եվրոյի պայմանագիր

Տնտեսական12:19, 07 Սեպտեմբեր 2023

ԵՄ-ի և Թուրքիայի միջև ստորագրվել է 781 մլն եվրոյի պայմանագիր

Եվրոպական միության (ԵՄ) հարևանության և ընդլայնման հարցերով հանձնակատար Վարհեյլիի` Անկարա կատարած այցի ընթացքում ԵՄ-ի և Թուրքիայի միջև ստորագրվել է պայմանագիր։ Ըստ որի` ԵՄ-ն Թուրքիային կտրամադրի 781մլն եվրո, որը կօգտագործվի Թուրքիայում ծայրահեղ վիճակում գտնվող փախստականների համար սոցիալական ապահովության ցանց ստեղծելու նպատակով։

ԵՄ հանձնաժողովի հայտարարության մեջ նշվում է, որ Սոցիալական ապահովության ցանցի (SSN) պայմանագիրը Արտակարգ սոցիալական ապահովության ցանցի շարունակությունն է, որը ԵՄ պատմության մեջ մարդասիրական օգնության ամենամեծ ծրագիրն է, որը մեկնարկել է 2016-ին։ Այս պայմանագրի ստորագրմամբ հայտարարվում է, որ ԵՄ-ն 2011-ից ի վեր ապաստան հայցողներին տրամարդրվող օգնությունը հասցրել է ավելի քան 10մլրդ եվրոյի։

Վարհեյլին հայտարարել է․ «Ես ուրախ եմ ստորագրել 781 մլն եվրոյի պայմանագիրը, որը ԵՄ-ի երբևէ ստորագրված եզակի պայմանագիրն է, որը շարունակում է օգնել այս խոցելի իրավիճակում գտնվող փախստականներին։

Այս համաձայնագիրը ցույց է տալիս ԵՄ-ի շարունակական համերաշխությունը և անսասան աջակցությունը Թուրքիային, որը ապաստան է տալիս աշխարհի ամենամեծ փախստականների համայնքին և ավելացնում է Թուրքիային տրամադրվող օգնության ծավալը մինչև 10 միլիարդ եվրո»։

«Մենք վճռական ենք շարունակելու մեր աջակցությունը 2023 թվականից հետո՝ թուրքական իշխանությունների հետ սերտ համագործակցությամբ»,- հավելել է նա։

Հիշեցնենք, որ Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեյլին Անկարա այցելել էր Անկարա և հանդիպել Թուրքիայի արտգործնախարար Հաքան Ֆիդանի հետ։ Հանդիպման ընթացքում քննարկվել են ԵՄ-Թուրքիա հարաբերությունները:

Աղբյուր` tele1.com.tr

Այս ենթաբաժնի վերջին նորությունները

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: