Տնտեսական11:53, 30 Օգոստոս 2023
Սաուդյան Արաբիան և Թուրքիան խորացնում են համագործակցությունը մի շարք ոլորտներում
Օգոստոսի 29-ին Թուրքիայի արդյունաբերության և տեխնոլոգիայի նախարար Մեհմեդ Ֆաթիհ Քաջըրը հանդիպել է Սաուդյան Արաբիայի արդյունաբերության և հանքային պաշարների նախարար Բենդեր բին Իբրահիմ Էլ-Հարիֆի հետ։
Ընդլայնված կազմով հանդիպմանը մտքեր են փոխանակվել տնտեսական, առևտրային, արդյունաբերության և տեխնոլոգիաների ոլորտներում համագործակցության խորացման առնչությամբ։ Այս մասին Քաջըրը հայտնել է X-ի իր միկրոբլոգում։
Երկու երկրների միջև քննարկումներ են տեղի ունեցել նաև տնտեսության և առևտրի ոլորտի հետ կապված։
Քննարկվել են արդյունաբերական ռազմավարության շրջանականերում փոխգործակցության, արդյունաբերության 4․0 տեխնոլոգիաների (արդյունաբերություն 4.0-ն չորրորդ արդյունաբերական հեղափոխության (4IR) հետ կապված հայեցակարգ է, որը կապված է կիբեր-ֆիզիկական համակարգերի առաջխաղացման հետ), վերականգնվող էներգիայի ոլորտներում հնարավոր համագործակցության հարցեր։
Հիշեցնենք, որ Սաուդյան Արաբիայի և Թուրքիայի միջև առևտուրը և արտադրական ոլորտում փոխադարձ ներդրումները մեծացնելու ծրագիր է նախատեսված։ Կողմերի միջև փոխըմբռնման հուշագիր է ստորագրվելու հատկապես արտահանման ռազմավարությունների և ոլորտային գործընկերությունների հարցում համագործակցության վերաբերյալ։
Այս զարգացումները տեղի են ունենում Անկարա-Էր Ռիադ հարաբերությունների վերականգման փուլում։ Դրանք վերջին տարիներին լարված են եղել Թուրքիա-Կատար սերտ հարաբերությունների, 2018 թ․-ին Ստամբուլում Սաուդյան Արաբիայի գլխավոր հյուպատոսարանում սաուդցի ընդդիմադիր լրագրող Ջեմալ Խաշոկջիի սպանության և շատ այլ պատճառներով։ 2020 թ․-ից սաուդական կողմը նաև բազմաթիվ արգելքներ էր սահմանել Թուրքիայից ապրանքների ներմուծման համար, փակել էր թուրքական դպրոցները։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Նախարար Օմեր Բոլաթը նշել է, որ 2024-ին Աֆրիակայի հետ առևտրի ծավալներն աճել են ավելի քան 7 անգամ։
Ըստ Թուրքիայի էներգետիկայի և բնական պաշարների նախարարի՝ Թուրքիան վերականգնվող էներգիայի ցուցանիշներով աշխարհում 11-րդն է։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |