Իրաքի վարչապետն ընդունել է Թուրքիայի առևտրի նախարարին

Տնտեսական17:09, 29 Օգոստոս 2023

Իրաքի վարչապետն ընդունել է Թուրքիայի առևտրի նախարարին

Իրաքի վարչապետ Մուհամեդ Շիա էս-Սուդանին հանդիպել է Թուրքիայի առևտրի նախարար Օմեր Բոլաթի և նրա գլխավորած պատվիրակության հետ։ Հանդիպմանը քննարկվել են երկու երկրների երկկողմ հարաբերությունները, տարբեր ոլորտներում տնտեսական գործընկերության և համագործակցության ընդլայնման ուղիները։

Իրաքի վարչապետն ընդգծել է Թուրքիայի և Իրաքի միջև երկարամյա պատմական հարաբերություններ ունեցող համագործակցության ամրապնդման կարևորությունը և գնահատել «Զարգացման ճանապարհի նախագծի»* վրա Թուրքիայի լուրջ ազդեցությունը։

Սուդանին նաև նշել է, որ Իրաքի և Թուրքիայի միջև այցերը վկայում են տարբեր մակարդակներում հարաբերությունները զարգացնելու երկու կողմերի ցանկության մասին։

Բոլաթն ընդգծել է թուրքական կառավարության լրջությունն ու պատրաստակամությունն աջակցելու «Զարգացման ճանապարհի նախագծին», որը նա համարել է համաշխարհային առևտրի կարևոր ճանապարհ։ Նախարարը նշել է, որ նախագիծը կարևոր է նաև Իրաքի և Թուրքիայի միջև առևտրային հարաբերությունների տեսանկյունից։

*Իրաքի վարչապետ Սուդանին մայիսի վերջին հայտարարել էր «Զարգացման ճանապարհի նախագծի» մասին, որը, ըստ նրա, կմիացնի Ասիան և Եվրոպան: Ծրագիրը, որը կսկսվի Պարսից ծոցի Մեծ Ֆաու նավահանգստից և շարունակվելով Իրաքի հյուսիսով կհասնի Թուրքիա, նախատեսվում է ներառել 1200 կմ․ երկարությամբ երկաթուղային և ճանապարհային ենթակառուցվածք։ Նպատակն այն է, որ այս նախագիծը միանա Թուրքիայի երկաթուղային ցանցին` անցնելով Բասրան, Բաղդադը և Մոսուլն ընդգրկող երթուղին:

Աղբյուր` rudaw

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։