Աշխարհի ծայրահեղ հարուստներից 33-ը Թուրքիայից են

Հասարակական11:49, 21 Օգոստոս 2023

Աշխարհի ծայրահեղ հարուստներից 33-ը Թուրքիայից են

Շվեյցարիայի Credit Suisse ներդրումային բանկը ներկայացրել է համաշխարհային մասնավոր կարողության զեկույցը, ըստ որի՝ 2022-ին զուտ մասնավոր կարողությունը նվազել է 11․3 տրիլիոն դոլարով։ Փորձագետները նշել են, որ այդ անկումը պայմանավորված է դոլարի նկատմամբ արժույթների մեծ մասի արժեզրկմամբ։ Զեկույցում նաև հրապարակվել են ծայրահեղ հարուստների վարկանիշն ըստ երկրների, որտեղ Ռուսաստանը ներկայացված է 294, Հնդկաստանը՝ 229, Թուրքիան՝ 33, Սաուդյան Արաբիան՝ 3, իսկ Հունաստանը 1 ծայրահեղ հարուտներով։

Զեկույցում նաև նշվում է, որ Թուրքիայում ընդհանուր կարողությունը հաշվարկվում է 1․041մլրդ դոլար։ Թուրքիայում մեկ մեծահասակի կարողությունը կազմում է 17․578 դոլար, իսկ միջին բնակչության կարողությունը՝ 5․488 դոլար։

Թեև Համաշխարհային բարեկեցության զեկույցի արդյունքները ցույց են տվել, որ 2022-ին եղել է ունեցվածքի կորուստ, այնուամենայնիվ մինչև 2023 թվականն աշխարհի ամենահարուստ մարդիկ ավելացրել են իրենց կարողությունը։

Bloomerg-ի միլիարդատերների ինդեքսը ցույց է տալիս, որ այս տարվա առաջին 6 ամսում կարողության աճը կազմել է 852մլրդ դոլար։ Աշխարհի ամենահարուստ մարդը՝ Tesla-ի ղեկավար Իլոն Մասկը, հարստացել է 96մլրդ դոլարով, իսկ Facebook սոցիալական կայքի հիմնադիր Մարկ Ցուկենբերգի կարողությունը ավելացել է 59․8 մլրդ դոլարով։

Աղբյուր` yeniakit.com.tr

Այս ենթաբաժնի վերջին նորությունները

15:29, 19 օգոս

Պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։