Երկարատև ընդմիջումից հետո վերսկսվում են զբոսաշրջային տուրերը Թուրքիայից դեպի Սիրիա

Տնտեսական16:21, 21 Օգոստոս 2023

Երկարատև ընդմիջումից հետո վերսկսվում են զբոսաշրջային տուրերը Թուրքիայից դեպի Սիրիա

Չնայած Սիրիայում շարունակվող լարվածությանը՝ Ստամբուլում տեղակայված թուրքական զբոսաշրջային ընկերությունը սկսել է շրջագայություններ կազմակերպել դեպի Սիրիայի նախագահ Բաշար ալ-Ասադի կառավարության կողմից չվերահսկվող տարածքներ:

Տուրիստական ընկերությունը հայտնել է, որ իրենք սկսել են ամրագրումներ ընդունել դեպի Սիրիա շրջագայությունների համար, որոնք նախատեսում են իրականացնել 2024 թվականին:

«Fest Travel»- ի կողմից 2024 թվականի ապրիլի 20-27-ը նախատեսված «Մշակութային միաձուլում. Սիրիա» խորագրով 7-օրյա շրջագայությունը կսկսվի ապրիլի 20-ին Ստամբուլից Բեյրութ, ապա Դամասկոս չվերթով։ Շրջագայությանը մասնակցության արժեքը 1950 դոլար է: Շրջագայությունը ներառում է նաև այցելություններ Դամասկոս, Հալեպ, Համա, Հոմս և Պալմիրա:

Ընկերությունը նշել է, որ իրենք չեն մեկնի այն տարածքներ, որտեղ անվտանգության հետ կապված մտահոգություններ կլինեն:

«Այս դեպքում մենք կնախընտրենք այլընտրանքային երթուղիներ և կձեռնարկենք անհրաժեշտ միջոցներ՝ ճանապարհն անվտանգ ավարտելու համար։ Բացի այդ, մենք կկապվենք համապատասխան մարմինների հետ՝ ճամփորդելուց առաջ անվտանգության վերաբերյալ վերջին տեղեկատվությունը հաստատելու համար»,- հայտարարել է տուրիստական կազմակերպությունը:

Աղբյուր` turizmajansi.com

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։