Տարածաշրջան20:11, 17 Օգոստոս 2023
Թուրքիային անխուսափելի ավերիչ երկրաշարժեր են սպասվում
Թուրք երկրաբան, դոկտոր, պրոֆեսոր Օվգյուն Ահմեդ Էրջանը քրդական «Mezopotamya» լրատվական գործակալության հետ զրույցում անդրադարձել է Թուրքիայում փետրվարի 6-ին արդեն իսկ տեղի ունեցած և ապագայում սպասվող երկրաշարժերին:
Երկրաբանը 1999-ի օգոստոսի 17-ին տեղի ունեցած Մարմարայի երկրաշարժի 24-րդ տարելիցին ընդառաջ քննադատական խոսքեր է հնչեցրել իշխանությունների հասցեին:
«Նրանք երկրաշարժը վերագրում են ճակատագրին և այդպիսով այն փորձում հասարակության համար ընդունելի դարձնել»:
Ապա նաև վերոհիշյալ երկրաշարժի և սպասվող երկրաշարժերի հետևանքով մարդկային կորուստների համար որպես առաջնահերթ պատճառներ է համարում երկրի տնտեսական խնդիրները:
Մասնագետի համոզմամբ՝ առանց տնտեսական խնդիրները լուծելու, երկրաշարժի խնդիրներին լուծում տալ չի հաջողվելու:
Էրջանը ներկայացրել է նաև իր համոզմամբ՝ 2045-ից հետո տեղի ունենալիք երկրաշարժերի ուժգնությունն ու տեղանքը: Ըստ այդմ՝ Մարմարայի տարածաշրջանում 2 անխուսափելի երկրաշարժ է սպասվում:
Որպես դրանցից մեկի՝ 6.4-ից 6.7 մագնիտուդ ուժգնությամբ երկրաշարժի տեղանք է նշվում Քյուչուքչեքմեջե լճի ափից մոտավորապես 25 կմ դեպի հարավ ընկած հատվածը՝ Մարմարա ծովում:
Իսկ երկրորդի՝ մոտավորապես 7.2 մագնիտուդ ուժգնությամբ երկրաշարժի տեղանք է նշվում Սիլվիրի և Մարմարա Էրեղլիսի քաղաքների միջնհատվածը:
Երկրաբանի կարծիքով վերոհիշյալ երկրաշարժերը զգացվելու են ոչ միայն Ստամբուլում, այլև Թեքիրդաղում, Քոջաելիում, Յալովայում, Բուրսայում, Բալըքշեհիրում և Չանաքքալեյում:
Զոհերից և ավերածություններից խուսափելու համար էլ Էրջանը համոզմունք է հայտնել առ այն, որ Ստամբուլի բնակեցման գործընթացը պետք է առնվի վերահսկողության տակ, որովհետև բացի այն, որ քաղաքը հանդիսանում է ամենից շատ ներգաղթյալ ընդունող նահանգը, բազմաթիվ խնդիրներ ունի:
Այս ենթաբաժնի վերջին նորությունները
Այցի շրջանակներում կողմերը կքննարկեն ապրանքաշրջանառության ծավալները 5 մլրդ դոլարի հասցնելու հարցը։
Մայիսի 15-ին Ֆաթիհ թաղամասում գտնվող «Եգիպտոսի շուկա»-կոչվող վայրում բռնկված հրդեհը մոտակայքում գտնվող մարդկանց շրջանում խուճապ է առաջացրել:
AFAD-ի հաղորդմամբ՝ ցնցումը գրանցվել է Թուրքիայի արևմտյան հատվածում գտնվող Իզմիր նահանգի Քարաբուրուն շրջանի Էգեյան ծովին հարող տարածքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Լավագույն տասնյակի մեջ Թուրքիայի զինված ուժերը զբաղեցնում են 3-րդ հորիզոնականը։
Նախարարները մտքեր են փոխանակել պատմական «Մետաքսի ճանապարհի» կամրջի համատեղ վերականգնման շուրջ
Իզմիրի նահանգապետարանը քառօրյա ժամկետով արգելել է ցույցեր ու բողոքի ակցիաներ կազմակերպելը։
Reuters-ը գրում է, որ Իսրայելը առևտրաշրջանառության դադարեցման մասին Թուրիայի ընդունած որոշման դեմ պատասխան քայլեր է ձեռնարկում:
Նման քայլը պայմանավորված է Նիկեայի 1-ին տիեզերական ժողովի 1700-րդ տարելիցով:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |