Ռազմական13:29, 14 Հուլիս 2023
Reuters. «Կանադայի կողմից Թուրքիայի դեմ կիրառվող ԱԹՍ-ների էմբարգոն շուտով կարող է չեղարկվել»
Բրիտանական «Reuters» լրատվական գործակալության հետ զրույցում որոշ աղբյուրներ, որոնց անվանումը գաղտնի է պահվում, նշել են, որ Կանադայի կողմից Թուրքիայի դեմ կիրառվող անօդաչու թռչող սարքերի (ԱԹՍ) էմբարգոն (արգելանք) շուտով կարող է չեղարկվել:
Մասնավորապես նշվում է, որ նման քայլի հավանականությունը մեծացել է այն բանից հետո, երբ Թուրքիայի նախագահ Ռեջեփ Թայիփ Էրդողանը համաձայնեց Հյուսիսատլանտյան դաշինքին (ՆԱՏՕ) Շվեդիայի անդամակցության հայտի արձանագրություններն ուղարկել երկրի խորհրդարանի հաստատմաննը:
Բացի այդ Կանադայի կողմից Թուրքիայի նկատմամբ նման դրական քայլը բացատրվում է հուլիսի 12-ին Վիլնյուսում ՆԱՏՕ-ի անդամ երկրների ղեկավարների գագաթնաժողովի շրջանակներում տեղի ունեցած երկու երկրների առաջնորդների երկկողմ հանդիպման արդյունքներով:
«Reuters»-ի կողմից Էմբարգոյի հնարավոր կասեցման ակնարկ է համարվում նաև Կանադայի վարչապետի աշխատակազմի հայտարարությունը:
Հայտարարության մեջ ասվում է. «Վարչապետը Վիլնյուսում ՆԱՏՕ-ին Շվեդիայի անդամակցության հարցի շուրջ քննարկումներ է ունեցել ինչպես Էրդողանի, այնպես էլ ՆԱՏՕ-ում իր այլ գործընկերների հետ: Կանադան շարունակում է հավատարիմ մնալ իր առանցքային կարևորության այն համոզմանը, որ դաշնակիցների միջև պաշտպանական տեխնիկայի առևտրում որևէ սահմանափակում, խոչընդոտ և կամ պատժամիջոց չպետք է լինի»:
Հիշեցնենք, որ ավելի վաղ` հուլիսի 12-ին, Կանադայի կողմից Թուրքիայի դեմ կիրառվող զենք-զինամթերքի Էմբարգոյի հնարավոր դադարեցման շուրջ բրիտանական մամուլում շրջանառվող լուրերը հերքել էր Կանադայի ԱԳՆ խոսնակ Մելանյա Ջոլին:
«Այն, որ դադարեցվել է Թուրքիայի դեմ կիրառվող զենք-զինամթերքի Էմբարգոն, սուտ է: Կանադան շարունակում է վերահսկել Թուրքիա իրականացվող արտահանումները»:
Այս ենթաբաժնի վերջին նորությունները
Հունաստանում այն դիտվում է որպես լուրջ մտահոգություն՝ իր աշխարհաքաղաքական հետևանքներով։
Այդ մասին հայտնում են Թուրքիայի պաշտպանության նախարարության աղբյուրները։
Թուրքիայի պաշտպանության նախարար Յաշար Գյուլերը Անկարայում ընդունել է Սիրիայի պաշտպանության նախարար Մուրհաֆ Աբու Քասրային։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |