Ֆինլանդացի պաշտոնյան օգտագործել է «թուրք կապիկներ» արտահայտությունը

Հասարակական16:42, 12 Հուլիս 2023

Ֆինլանդացի պաշտոնյան օգտագործել է «թուրք կապիկներ» արտահայտությունը

Ֆինլանդիայի փոխվարչապետ և ֆինանսների նախարար Ռիիկա Պուրրան ներողություն է խնդրել 15 տարի առաջ իր արած մի շարք սոցցանցերում արած մեկնաբանությունների համար, որոնք նոր են ի հայտ եկել:

BBC-ի հաղորդմամբ՝ Պուրրան այդ մեկնաբանությունը գրել է 2008 թ-ին։

Մեկնաբանություններից մեկում նա մասնավորապես նշել է․

«Եթե ինձ ատրճանակ տային, ծայրամասային գնացքը լի կլիներ դիակներով»` նկատի ունենալով ներգաղթյալներին, որոնց նա հանդիպել է հասարակական տրանսպորտում: Դրանից բացի՝ Պուրրան օգտագործել էր նաև «թուրք կապիկներ» արտահայտությունը։

Պուրրան նախկինում չէր հաստատել, որ մեկնաբանություններն իրենն են: Այնուհետև իր Twitter-յան հաղորդագրության մեջ նա ընդգծել է, որ մեկնաբանությունները 15 տարվա վաղեմություն ունեն, արվել են դեռևս քաղաքականություն սկսելուց առաջ և, որ դա «հիմարություն» է։

«Ես այս պաշտոնում և տարիքում նման բան չեմ գրի։ Կատարյալ մարդ չեմ, ես սխալներ եմ թույլ տվել: Սակայն չեմ ընդունում բռնության, ռասիզմի կամ խտրականության որևէ ձև»,- ասել է նա։

Հիշեցնենք, որ անցյալ ամիս Ֆինլանդիայում անցկացված համընդհանուր ընտրությունների արդյունքում ձևավորվեց աջակողմյան կոալիցիոն կառավարություն, որում ընդգրկված էր նաև ծայրահեղ աջ «Ֆիններ» կուսակցությունը Պուրրայի գլխավորությամբ։

Աղբյուր` diken

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։