Իրավական17:22, 29 Հունիս 2023
Օջալանի օգտին խոսելու համար Թուրքիայում ձերբակալել են հեռուստաալիքի գլխավոր խմբագրին
Ստամբուլի գլխավոր դատախազությունը «Քուրդիստանի բանվորական կուսակցության» (ՔԲԿ-PKK) առաջնորդ, Թուրքիայի Իմրալը կղզում ցմահ բանտարկյալ Աբդուլլահ Օջալանի (Ապո) վերաբերյալ ասված խոսքերի համար «Tele1» հեռուստաալիքի գլխավոր խմբագիր Մերդան Յանարդաղին հարցաքննությունից հետո ձերբակալել է։
Ստամբուլի հակաահաբեկչական բաժանմունքի ոստիկանությունը բերման է ենթարկել Մերդան Յանարդաղին «հանցանքն ու հանցագործին գովաբանելու» և «ահաբեկչական կազմակերպության օգտին քարոզչություն անելու» մեղադրանքով։
Վերջինս Օջալանի մասին հիշյալ հեռուստաընկերությունում հնչեցրած խոսքում նշել էր, որ Օջալանին թույլ չի տրվում անգամ տեսակցել ընտանիքի և փաստաբանի հետ։
«Նա Թուրքիայի ամենաերկարակյաց քաղբանտարկյալն է։ Եթե օրենքները նորմալ գործում են, ապա նա պետք է իրականում ազատ արձակվի, տնային կալանք և այլն տրվի: Աբդուլլահ Օջալանի նկատմամբ կիրառված մեկուսացումն օրենքում տեղ չունի։ Այն պետք է հանվի/դադարեցվի»,- ասել էր Յանարդաղը։
Իսկ Թուրքիայի ռադիոյի և հեռուստատեսության բարձրագույն խորհրդի նախագահ Էբուբեքիր Շահինն այս կապակցությամբ նշել էր․ «Ահաբեկիչների առաջնորդին, հազարավոր մարդկանց մարդասպանին գովերգող Մերդան Յանարդաղ կոչվող անձի հայտարարությունների հիման վրա «Tele1»-ի նկատմամբ հարկավոր է հետաքննություն է սկսվել»։
Այս ենթաբաժնի վերջին նորությունները
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ընդդիմադիր HKP-ի առաջնորդ Նուրրուլահ Էֆե Անքութը դատապարտվել է 1 տարի 2 ամիս և 22 օր ազատազրկման։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |