Թուրքիայի ամենահարուստ 5 մարդիկ ըստ Forbes-ի

Հասարակական13:15, 15 Հունիս 2023

Թուրքիայի ամենահարուստ 5 մարդիկ ըստ Forbes-ի

Ամերիկյան հեղինակավոր «Forbes» հանդեսը հրապարակել է աշխարհի ամենահարուստ մարդկանց անվանացանկը: Նրանց շարքում տեղ են գտել նաև թուրք միլիարդատերերը։

Թուրքիայի ամենահարուստ 5 անձինք՝ ստորև

1. Իբրահիմ Էրդեմլիօղլուն

Գործարար Իբրահիմ Էրդեմլիօղլուն թուրքական հայտնի «Merinos» գորգերի բրենդի հիմնադիրն է։ Նրա կարողությունը կազմում է շուրջ 5.3 մլրդ դոլար:

2. Մուրադ Ուլքեր

Ուլքերի կարողությունը հասնում է 5 մլրդ դոլարի: Առևտրի և արտադրության ոլորտում գործունեություն ծավալող միլիարդատերը հանդիսանում է նաև «Yıldız Holding»-ի տնօրենների խորհրդի նախագահը:

3. Ալի Էրդեմիօղլու

Թուրքիայում 3-րդ ամենահարուստ գործարարը, ով միաժամանակ հանդիսանում է նաև Իբրահիմ Էրդեմիօղլուի եղբայրը, պոլիեսթերի (սինթետիկ ամուր գործվածք) արտադրությամբ զբաղվող թուրքական «SASA» ընկերության հիմնադիրն է: Նրա կարողությունը հաշվվում է 4.7 մլրդ դոլարի սահմաններում:

4. Սեմահաթ Սևիմ Արսելը

95-ամյա Սևիմ Արսելը Թուրքիայի ամենամեծ հոլդինգներից մեկի՝ «Koç»-ի հիմնադիր Վեհբի Քոչի դուստրն է: Արսելի հարստությունը գնահատվում է շուրջ 3 մլրդ դոլար:

5. Իփեք Քըրաչ

Քըրաչի կարողությունը տատանվում է 2.9 մլրդ դոլարի սահմաններում: Ցանկում տեղ գտած 2-րդ կին գործարարի անունը տեղ է գտել Թուրքիայի շուրջ 500 ամենահաջողակ արտահանողների թվում:

Աղբյուր` gercekgundem.com

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։