Արաբական մամուլ․ «Քըլըչդարօղլուն երկու քարի արանքում է»

Հասարակական16:37, 17 Մայիս 2023

Արաբական մամուլ․ «Քըլըչդարօղլուն երկու քարի արանքում է»

Թուրքիայի խորհրդարանական և նախագահական ընտրություններին ուշադիր հետևում էր նաև արաբական աշխարհը։

Մինչ կատարական մամուլում էրդողանին աջակցող նյութեր էին հրապարակվում, սաուդական և էմիրատական լրատվամիջոցներում գերիշխում էին հակաիշխանական բնույթի լուրերը։

Սաուդական «Al Arabiya TV»-ն Էրդողանի 50%+1 չապահովելու փաստը ներկայացրել էր որպես անհաջողություն, իսկ Քըլըչդարօղլուի 50%+1 չապահովելու փաստը որպես հիասթափություն ու անհանգստություն։

«Al Jazeera»-ն էլ ընտրություններից հետո գրել էր, որ ընտրություններն Էրդողանին ցույց տվեցին, որ ժողովուրդը գոհ չէ երկրի տնտեսական վիճակից։

Նշվում է, որ «Քըլըչդարօղլուն մնացել է երկու կրակի արանքում»․ նա կա՛մ պիտի լքի 11% ապահովող քրդերին, կա՛մ հրաժարվի Սինան Օղանի 5․2%-անոց աջակցությունից։

Եգիպտոսում գործունեություն ծավալող «Մուսուլման եղբայրներ» կազմակերպության անդամներից շատերը հայտնել են, որ ցանկանում են Էրդողանի պարտությունը։

Այդ օրերին Twitter-ում գրառումներ են եղել նաև այն մասին, որ Թուրքիայի նախագահի հիշյալ երկու թեկնածուներն էլ արաբների թշնամին են, և տարբերություն չկա, թե նրանցից ով կլինի նախագահը։

Աղբյուր` T24.com.tr

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։