Հասարակական12:37, 15 Մայիս 2023
Գերմանիայի հյուպատոսարանն իր քաղաքացիներին հորդորել է չշրջել Ստամբուլում
Մինչ մայիսի 14-ին Թուրքիայի Հանրապետությունում ընթանում են 13-րդ նախագահական և 28-րդ գումարման Ազգային մեծ ժողովի (մեջլիս) ընտրությունները, թուրքական աղբյուրները սկանդալային են համարել Ստամբուլում Գերմանիայի գլխավոր հյուպատոսության տարածած հայտարարությունը:
Գերմանիայի քաղաքացիներին որպես զգուշացում տարածված հայտարարության մեջ մասնավորապես նշվել է. «Դիտարկելով ընտրությունների արդյունքների անորոշությունն ու հնարավոր արձագանքը թեկնածուների գրանցած արդյունքներին, չի կարելի անտեսել այն, որ ընտրատեղամասերի փակվելուն հաջորդող ժամերին կարող են լինել անկարգություններ: Հորդորում ենք երեկոյան չշրջել քաղաքում»:
Հիշեցնենք, որ մայիսի 14-ի առավոտյան ժամերին արդեն սոցցանցերում տեղ էին գտել մի շարք տեսանյութեր, որտեղ երևում էր, թե ինչպես են իշխող «Արդարություն և զարգացում» կուսակցության (ԱԶԿ-AKP) առաջնորդ և «Ժողովուրդ» դաշինքի նախագահի թեկնածու Ռեջեփ Թայիփ Էրդողանի ու քեմալական, գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ և «Ազգ» դաշինքի նախագահի միասնական թեկնածու Քեմալ Քըլըչդարօղլուի կողմնակիցները վեճի բռնվում, որից հետո էլ սկսվում էր ծեծկռտուք։
Խոշոր ծեծկռտուք էր տեղի ունեցել, օրինակ, Ստամբուլ քաղաքի Բահչելիեվլեր շրջանի ընտրատեղամասերից մեկում, իսկ փայտերով և քարերով կռիվ՝ Շանլըուրֆայում տարբեր թեկնածուների քվեարկած երկու աշիրեթների միջև։
Այս ենթաբաժնի վերջին նորությունները
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |