Թուրքիայում ինչպե՞ս են կազմակերպվել ընտրությունները երկրաշարժից տուժած վայրերում

Հասարակական14:54, 14 Մայիս 2023

Թուրքիայում ինչպե՞ս են կազմակերպվել ընտրությունները երկրաշարժից տուժած վայրերում

Թուրքիայում այս տարվա փետրվար ամսին տեղի ունեցած հուժկու երկրաշարժից տուժած շրջաններում ընտրություններն անցկացվում են այն դպրոցներում, որոնք համեմատաբար քիչ են վնաս կրել։ Լիովին վնասված այն դպրոցների բակերում, որոնք նախորդ ընտրություններում եղել են ընտրատարածքներ, տեղադրվել են հատուկ տնակներ քվեարկության համար։

Շուրջ 133 հազար ընտրող երկրաշարժից հետո գրանցման հասցեն փոխել է և քվեարկելու է այն նահանգում, որտեղ այժմ գրանցված է։

Քահրամանմարաշում (Մարաշ) 753 հազար 287 ընտրողի համար բացվել է 2 հազար 405 քվեատուփ։ Հաթայում (Ալեքսանդրետ) 1 միլիոն 65 հազար 40 ընտրողի համար բացվել է 3 հազար 152 քվեատուփ։ Օսմանիեում ընտրողների թիվը 385 հազար 998 է, Ադանայում՝ 1 միլիոն 612 հազար 781, Մալաթիայում՝ 530 հազար 667, Գազիանթեփում (Այնթապ)՝ 1 միլիոն 358․000 ընտրող։

Թուրքիայում մայիսի 14-ին՝ առավոտյան ժամը 08.00-ին, մեկնարկել են 13-րդ նախագահի և 28-րդ գումարման խորհրդարանի ընտրությունները։ Քվեարկության գործընթացն ավարտվելու է ժամը 17։00-ին։

Աղբյուր` Anadolu Ajansı, Sabah

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։