Էրդողանի կուսակցության դաշինքն առաջ է անցնում ընդդիմադիր դաշինքից

Հասարակական14:52, 12 Ապրիլ 2023

Էրդողանի կուսակցության դաշինքն առաջ է անցնում ընդդիմադիր դաշինքից

Թուրքական «Yöneylem» վիճակագրական ընկերությունը մարտի 27-ից 29-ն ընկած ժամանակահատվածում երկրի 27 նահանգներում սոցհարցում է անցկացրել։ Սոցհարցմանը մասնակցել է 2655 քաղաքացի։

Մասնագետները կարծում են, որ, չնայած նախագահի ընտրությունը կարող է երկրորդ փուլի մնալ, բայց դրա վրա էականորեն կազդի նաև խորհրդարանում ձևավորվող պատկերը։ Որքան էլ իշխող կուսակցությունը ձայներ է կորցրել, ըստ հարցման, դեռևս առաջինն է ցուցակում։

Համաձայն սոցհարցման արդյունքների՝ իշխող «Արդարություն և զարգացում» կուսակցությունն (ԱԶԿ-AKP) ստացել է 30․2%, գլխավոր ընդդիմադիր «Ժողովրդահանրապետական» կուսակցությունը (ԺՀԿ-CHP)՝ 23․8%։ Չկողմնորոշվածները կազմել են 9․5%, իսկ նրանք, ովքեր նշել են, որ քվեարկությանը չեն մասնակցելու, 4․1%։ Սոցհարցումը ցույց է տվել, որ այս երկու խմբի մարդկանց ձայները ներառյալ՝ ԱԶԿ-ն ունի 35% վստահություն։

Իշխանական «Ժողովուրդ» դաշինքի ձայները կազմել են 42․4%, իսկ ընդդիմադիր «Ազգ» դաշինքինը՝ 38%։

Կրկին նույն ընկերության՝ տարեսկզբին կատարած սոցհարցման ժամանակ ԱԶԿ-ն ուներ 32%, իսկ անցյալ տարվա օգոստոսին ԱԶԿ-ն զիջում էր դիրքերը ԺՀԿ-ին։

Սակայն, ինչպես հայտնում է Հանրային կարծիքի ուսումնասիրության համաշխարհային ասոցիացիան (WAPOR), բացակայում է տեղեկություն այն մասին, թե ով է ֆինանսավորում տվյալ սոցհարցման անցկացման համար, որը սոցհարցման կարևորագույն պայմաններից մեկն է։

Աղբյուր` Diken.com.tr

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։