Տարածաշրջան11:33, 22 Փետրվար 2023
Թուրքիայում երկրաշարժից մահացածների թիվը հասել է 42 հազարի
Թուրքիայում փետրվարի 6-ին և 20-ին տեղի ունեցած 2 ավերիչ երկրաշարժներից հետո, որոնց էպիկենտրոնը եղել էր Քահրամանմարաշ (պատմ. Մարաշ) նահանգի Փազարջըք և Էլբիսթան շրջաններում՝ 7.7 և 7.6 մագնիտուդ հզորությամբ, շարունակում է աճել զոհերի և վիրավորների թիվը։
Թուրքիայի նախագահականին առընթեր Աղետների և արտակարգ իրավիճակների վարչության տվյալների համաձայն՝ մահացածների թիվը կազմում է 42.310:
Թուրքիայի Աղետների ու արտակարգ իրավիճակների վարչության պետ Յունուս Սեզերի տեղեկացմամբ՝ աղետի գոտուց տարհանվել են ավելի քան 448 հզ. քաղաքացիներ:
Տուժած շրջաններում տեղադրված է 250 հզ. վրան, շուրջ 68 հզ. տնակի տեղադրման համար ենթակառուցվածքների հիմնելու աշխատանքներ են կատարվել: Ներկայում արդեն տեղադրված տնակների քանակը հասել է 6375-ի:
Փետրվարի 20-ի երեկոյան էլ Թուրքիայի Հաթայ (Ալեքսանդրետ) նահանգում 6․4 մագնիտուդ հզորությամբ ևս մեկ երկրաշարժ է տեղի ունեցել, որի հետևանքով մահացել է 6, վիրավորվել 294 մարդ: Այս երկրաշարժին հաջորդել է 32 հետցնցում։
Թուրքիայի նախագահականին առընթեր Աղետների և արտակարգ իրավիճակների վարչության տվյալների համաձայն՝ կան բազմաթիվ փլուզումներ։ Մասամբ փլուզվել է նաև Հաթայի նահանգապետարանի շենքը։ Եվ 6 հազար վրան էլ ուղարկվել է այս երկրաշարժի հետևանքով դրսում հայտնված բնակչության համար:
Այս ենթաբաժնի վերջին նորությունները
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Թուրքիայի նախագահը գոհունակություն է հայտնել Պակիստանի և Հյուսիսային Կիպրոսի ինքնահռչակ թուրքական Հանրապետության միջև հարաբերությունների զարգացման վերաբերյալ։
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |