Քաղաքական14:44, 15 Փետրվար 2023
Չավուշօղլուի ելույթը Միրզոյանի հետ համատեղ մամուլի ասուլիսում
![Չավուշօղլուի ելույթը Միրզոյանի հետ համատեղ մամուլի ասուլիսում](https://www.ermenihaber.am/news_images/82/244184_2/ortak.jpg)
Թուրքիայի արտգործնախարար Մևլութ Չավուշօղլուն ՀՀ արտգործնախարար Արարատ Միրզոյանի հետ համատեղ մամուլի ասուլիսի ժամանակ հայկական կողմին շնորհակալություն է հայտնել ցուցաբերված զորակցության համար։
Չավուշօղլուն հիշեցրել է, որ 2022թ. Արարատ Միրզոյանն Անթալիայի Դիվանագիտական ֆորումին մասնակցելու համար եղել էր Թուրքիայում, որտեղ էլ երկկողմ հանդիպում էին անցկացրել, քննարկել հարաբերությունների կարգավորմանը միտված քայլերը։
«Կարծում եմ, որ ծայրաստիճան իմաստալից է, որ այսօր էլ նրան այստեղ ենք հյուրընկալում։ Երկրաշարժից անմիջապես հետո ցավակցական և համերաշխության ուղերձներ ստացանք։ Եղավ նաև Փաշինյանի հղած ուղերձը մեր նախագահին։ Վարչապետ Փաշինյանը մեր նախագահին զանգահարելով, փոխանցել է իր աջակցության և համերաշխության խոսքերը։
Այնուհետև Հայաստանն անմիջապես մեր երկիր 28 հոգանոց որոնողափրկարարական խումբ ուղարկեց: Փետրվարի 8-ից սկսած նրանք Ադըյամանում աշխատում են ողջ ուժով։ Մեր մի աղջնակին և մի երիտասարդ կնոջ կյանքն այդ խումբն է փրկել, ինչի համար նրանց էլ եմ ուզում խորին շնորհակալություն հայտնել։ Իսկապես ողջ ուժով աշխատում էին և տեսանք, թե մեր քաղաքացիներին փրկելիս էլ որքան էին ուրախանում»։
Թուրքիայի ԱԳ նախարարը շեշտել է նաև այն փաստը, որ Հայաստանն իրենց ուղարկել է 100 տոննա հումանիտար օգնություն։ Իր հայ գործընկերոջը վկայակոչելով՝ նշել է, որ հավելյալ օգնություններ էլ են լինելու, ինչի համար ևս շնորհակալություն է հայտնել։
«Այսինքն Հայաստանը մեր այս դժվար օրերին մեր մարդկանց բարեկամական ձեռք մեկնեց, համերաշխություն և համագործակցություն ցուցաբերեց։ Հայաստանը 1999 թվականին Գյոլջյուքի երկրաշարժի ժամանակ էլ էր մեր երկիր հումանիտար օգնության պարագաներ ուղարկել։ Հայաստանն էլ է, ցավոք, գտնվում սեյսմիկ գոտում։ 1988թ. Սպիտակի երկրաշարժը դեռևս հիշում ենք, քանի որ բազմաթիվ մարդիկ զոհ գնացին այդ աղետին։ Այդ երկրաշարժից հետո Թուրքիայի ուղարկած օգնությունն Ալիջանի սահմանադռնով հասցվել էր Հայաստան։ Տարիներ անց կրկին նույն սահմանադռնով այս անգամ Հայաստանի հումանիտար օգնությունը մեր երկիր եկավ։ Եվ պետք է շարունակենք մեր այս համերաշխությունը»։
Ըստ Չավուշօղլուի՝ Հարավային Կովկասում կարգավորման գործընթացը շարունակվում է։ Հայաստանի՝ Թուրքիայի և Ադրբեջանի հետ կարգավորման գործընթացներում տեղի ունենալիք առաջընթացը նպաստելու է տարածաշրջանի խաղաղությանն ու բարօրությանը։
«Իմ գործընկեր Միրզոյանի հետ այսօր քննարկել ենք այն քայլերը, որոնք արվելու են Թուրքիա-Հայաստան հարաբերությունների կարգավորման գործընթացում։ Բացի այդ, նրանից տեղեկություն ստացանք Ադրբեջանի և Հայաստանի միջև շարունակվող հանդիպումների, համապարփակ խաղաղության պայմանագրի բանակցությունների վերաբերյալ։ Ես այստեղ հատկապես սա եմ ուզում ասել՝ եթե այս երեք երկրներն անկեղծ քայլեր կատարեն, Հարավային Կովկասում կարող ենք հաստատել երկարատև խաղաղություն և հանգստություն։ Հատկապես քովիդից և ուկրաինական պատերազմից հետո Արևելք-Արևմուտք Միջին միջանցքը մեծ կարևորություն է ստացել»։
Հայ-թուրքական հարաբերությունների կարգավորմանը միտված քայլերից մեկը, ըստ Չավուշօղլուիմ պատմական Մետաքսի ճանապարհի, Մետաքսի ճանապարհի կամրջի վերակառուցումն է։
«9-րդ դարում, ոմանց կարծիքով 10-րդ դարում կառուցված կամուրջը միայն 2 ոտք ունի՝ մեկը հայկակակն կողմում, մյուսը՝ թուրքական կողմում։ Այդ իսկ պատճառով այս Մետաքսի ճանապարհի կամրջի վերակառուցումը, վերանորոգումը ծայրաստիճան իմաստալից է լինելու։ Այս հարցում էլ միասին աշխատելու ենք։ Մեր ընկերները, հատուկ ներկայացուցիչները ևս առաջիկայում կատարվելիք քայլերի համատեքստում կշարունակեն իրենց աշխատանքները»,- եզրափակելը Չավուշօղլուն մեկ անգամ ևս շնորհակալություն հայտնելով զորակցություն ցուցաբերած Հայաստանին։
Այս ենթաբաժնի վերջին նորությունները
![Անկարայում Գերմանիայի դեսպանատան դպրոցն այլևս Թուրքիայի քաղաքացիներ չի ընդունի](https://www.ermenihaber.am/news_images/94/281079_1/image_2024_07_26_165611851.thumb.png)
«Ernest-Reuter» դպրոցական համայնքի հայտարարության համաձայն՝ արգելքը չի տարածվում այժմ կրթությունը շարունակող Թուրքիայի քաղաքացիների ու երկքաղաքացիություն ունեցողների վրա:
![SANA. «Մոսկվայում Ասադ-Էրդողան հնարավոր հանդիպում չի քննարկվել»](https://www.ermenihaber.am/news_images/94/281070_1/010.thumb.jpg)
Ըստ Սիրիայի պետական լրատվական գործակալության՝ Թուրքիայի հետ կապված Ասադի դիրքորոշումները Պուտինին ավելի վաղ ներկայացրել է Ալեքսանդր Լավրենտևը:
![Օզել. «Էրդողանի հրամանով ֆինանսական հեղափոխության փորձ է իրականացվում»](https://www.ermenihaber.am/news_images/94/281061_1/3215.thumb.jpg)
Թուրքիայում գլխավոր ընդդիմադիր ուժը համարվող կուսակցության առաջնորդն անդրադարձել է իշխող կուսակցության ղեկավարության ներքո գտնվող ՏԻՄ-երի պարտքերին:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ամերիկյան «Global Firepower» հետազոտական կենտրոնը հրապարակել է 2024-ին աշխարհի մակարդակով ամենաուժեղ ռազմաօդային ուժեր ունեցող երկրների ցանկը:
Թուրքիայի կառավարությանն առընթեր գործող «Աղետների և արտակարգ իրավիճակների վարչությունը» (AFAD) հայտարարել է, որ այդ կայանը Թուրքիայի արտերկրում առաջին երկրաշարժերի մոնիտորինգի կայանն է։
Վան քաղաքում անհայտ անձինք ջնջել են հետիոտնային անցմանը կից քրդերեն գրությունը փոխարինելով այն ռասիստական գրառմամբ։
Թուրքիայում գլխավոր ընդդիմադիր ուժը համարվող կուսակցության առաջնորդն անդրադարձել է իշխող կուսակցության ղեկավարության ներքո գտնվող ՏԻՄ-երի պարտքերին:
Հանդիպման ընթացքում կողմերը քննարկել են երկկողմ հարաբերությունները, ռուս-ուկրաինական պատերազմը, Գազայում վերջին զարգացումները, իրավիճակը Սիրիայում և այլ տարածաշրջանային հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |