Քաղաքական11:56, 17 Հունվար 2023
Գերմանիայի զգուշացումը Թուրքիային. մեր երկրում ատելության խոսքը տեղ չունի
Բեռլինում Թուրքիայի դեսպանը կանչվել է Գերմանիայի արտգործնախարարություն և զգուշացվել:
Պատճառը Թուրքիայի իշխող «Արդարություն և զարգացում» կուսակցությունից (ԱԶԿ-AKP) մեջլիսի պատգամավոր Մուստաֆա Աչըքգյոզի Գերմանիայի Նոյս քաղաքում ունեցած ելույթն է եղել:
Գերմանիայում գործող թուրք ազգայնականների Նոյսի մասնաճյուղում նա սպառնալիք ու ատելության խոսք է օգտագործել «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության ու գյուլենական համայնքի կազմակերպությունների անդամների վերաբերյալ (2 կազմակերպություններն էլ Թուրքիայում համարվում են ահաբեկչական):
Թուրք պատգամավորը հայտարարել է, որ այդ կազմակերպությունների անդամներին աշխարհի բոլոր ծայրերում էլ գտնելու են ու ոչնչացնելու են այնպես, ինչպես Թուրքիայում են ոչնչացրել: Նա շեշտել է նաև, որ ինչպես Թուրքիայում իրենք չեն ճանաչում այդ «ահաբեկիչների» կյանքի իրավունքը, այնպես էլ՝ Գերմանիայում: Աչըքգյոզը ՔԲԿ-ին անվանել է անկրոն, իսկ գյուլենականներին էլ մեղադրել է մուսուլմանությունը քրիստոնեության փոխակերպելու մեջ: Այս և այլ սպառնալիքների ու մեղադրանքների պատճառով Թուրքիայի դեսպանը կանչվել է դաշնային ԱԳՆ ու զգուշացվել: Դեսպանեին ԱԳն կանչելու մասին հայտարարություն է արել Գերմանիայի ԱԳՆ-ը: Դրանում մասնավորապես ասված է.
«Այսօր մենք հանդիպման ենք հրավիրել Թուրքիայի դեսպանին։ Նոյսում թուրք պատգամավորի արարքների նման արարքներ չպետք է կրկնվեն։ Սադրանքն ու ատելության խոսքը Գերմանիայում տեղ չունեն»:
Նշվել է նաև, որ իրենք հասկացրել են թուրքական կողմին, որ Գերմանիայում թուրքական համայնքի շրջանում իրականացվող նախընտրական քարոզարշավի միջոցառումները պետք է նախապես հաստատվեն իրենց կողմից: Դեսպանը զգուշացվել է նաև, որ եթե թուրքական կողմը չխաղա սահմանված կանոններով, ապա հետևանքներ կառաջանան:
Wir haben heute die türkische Botschaft zu einem Gespräch eingeladen. Auftritte wie der eines türkischen Abgeordneten in Neuss dürfen sich nicht wiederholen. Hetze & Hassrede haben in Deutschland nichts verloren. 1/2
— Auswärtiges Amt (@AuswaertigesAmt) January 16, 2023
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |