Գերմանիան դեմ է Կիպրոսի հիմնախնդիրը թուրքական առաջարկով լուծելու տարբերակին

Քաղաքական17:20, 10 Հունվար 2023

Գերմանիան դեմ է Կիպրոսի հիմնախնդիրը թուրքական առաջարկով լուծելու տարբերակին

Բեռլինը չի աջակցում Կիպրոսի հիմնախնդրի լուծման հարցում կղզու վրա երկու պետությունների ձևավորմանը։ Այս մասին հունվարի 9-ին հայտարարել է Գերմանիայի արտաքին գործերի նախարար Աննալենա Բերբոկը Կիպրոսի ԱԳՆ-ի ղեկավար Իոաննիս Կասուլիդիսի հետ հանդիպման ժամանակ։ Նա հավելել է, որ այս հարցում Բեռլինը կանգնած է Կիպրոսի կողքին:

Մինչդեռ Անկարան պնդում է, որ պետք է առաջնորդվել կղզու վրա երկու առանձին պետության ձևավորման սկզբունքով:

Նշենք, որ Թուրքիան կղզու թուրք փոքրամասնության «իրավունքների խախտումները կանխելու» պատրվակով 1974-ին ներխուժել է Կիպրոս՝ օկուպացնելով կղզու տարածքի շուրջ 40 տոկոսը:

1983 թվականին կղզու թուրքական հատվածը ինքնահռչակվել է որպես Հյուսիսային Կիպրոսի Թուրքական Հանրապետություն, սակայն այդ պետությունը ճանաչված է միայն Թուրքիայի կողմից։

Միջազգային իրավունքի համաձայն՝ Կիպրոսը համարվում է ինքնիշխան պետություն՝ 1974 թվականին ունեցած ամբողջական տարածքով։ ՄԱԿ–ի Անվտանգության Խորհրդի №541 որոշման համաձայն՝ «Հյուսիսայի Կիպրոսի Թուրքական Հանրապետությունը» համարվում է անօրինական, իսկ Թուրքիայի զինված ուժերը պետք է դուրս բերվեն կղզուց։

Աղբյուր` Rudaw.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։