Թուրքիայում նախագահական ընտրությունները 1 ամիս շուտ կանցկացվեն

Քաղաքական16:13, 09 Հունվար 2023

Թուրքիայում նախագահական ընտրությունները 1 ամիս շուտ կանցկացվեն

Թուրքիայում նախագահական ու խորհրդարանական ընտրությունները նախատեսում են 2023-ի հունիսի 18-ի փոխարեն անցկացվել մայիսի 7-ին կամ 14-ին: Այս մասին հայտնել է կառավարող «Արդարություն և զարգացում» կուսակցության պատգամավոր, խորհրդարանի փոխխոսնակ Սյուրեեյա Սադի Բիլգիչը:

Ըստ Բիլգիչի՝ ընտրության օրվա փոփոխությունը պայմանավորված է Քուրբան Բայրամով (Զոհաբերության տոն), Հաջի շրջանով (մուսուլմանների ուխտագնացությունը դեպի Մեքքա և հարակից սրբազան վայրեր) և քննություններով։

Թուրքական որոշ լրատվամիջոցներ, սակայն, գրում են որ վաղաժամ ընտրություն անցկացնելով՝ իշխանությունը փորձում է խուսափել նաև գործող նախագահ Ռեջեփ Թայիփ Էրդողանի՝ 3-րդ անգամ առաջադրվելու շուրջ ծագող բանավեճից: (Թուրքիայի Սահմանադրությամբ նախատեսված չէ 3-րդ անգամ անընդմեջ նախագահ ընտրվելը):

Հիշեցնենք, որ օրերս Թուրքիայի նախագահը հայտարարել էր, որ եղանակային պայմանները հաշվի առնելով՝ կարող են վերանայել ընտրությունների անցկացման ամսաթիվը:

Աղբյուր` diken.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։