Մայքլ Ռոբինը՝ Էրդողանին․ «Մի օր Թուրքիան քեզնից կազատվի ու անիծյալ կլինի քո անունը»

Քաղաքական18:06, 19 Դեկտեմբեր 2022

Մայքլ Ռոբինը՝ Էրդողանին․ «Մի օր Թուրքիան քեզնից կազատվի ու անիծյալ կլինի քո անունը»

ԱՄՆ-ի կենտրոնական հետախուզական ծառայության (CIA) հոգեբանական պատերազմի մասնագետ Մայքլ Ռոբինը, ով հայտնի է Թուրքիայի նախագահ Ռեջեփ Թայիփ Էրդողանի հանդեպ ունեցած իր հակակրանքով, օրերս գրառում էր արել Twitter-ում։

Նա նշել է, թե Էրդողանը բարկացած է, քանի որ ինքը (Ռոբինը-խմբ․) քննադատում է Էրդողանի հանցավոր գործողությունները և պաշտպանում այն տեսակետը, ըստ որի՝ Էրդողանի հակադեմոկրատական ճնշումների ֆոնին այլ պետությունները չպետք է ճանաչեն ԱԶԿ-ին («Արդարություն և զարգացում կուսակցություն»)՝ իբրև իշխանություն։

«Ներողություն եմ խնդրում, հարգելի՛ նախագահ, բայց ինձ չեք կարող լռեցնել։ Մի օր Թուրքիան քեզնից կազատվի ու անիծյալ կլինի քո անունը»,- եզրափակել է Ռոբինն իր գրառումը։

Պետք է նշել, որ սա առաջին դեպքը չէ։ Նախկինում ևս Ռոբինը բացեիբաց պաշտպանել էր 2016-ի հուլիսի 15-ին իրականացված հեղաշրջման փորձի գաղափարը՝ աջակցություն հայտնելով Գյուլենական շարժմանը։

Վերոնշյալ հեղաշրջման փորձից հետո լույս տեսած «Ինչո՞ւ Թուրքիայում տեղի ունեցած հեղաշրջումը կարող է նշանակել հույս» հոդվածում Ռոբինը բացեիբաց գրում էր, որ այդ արյունոտ փորձը «լավ բան է» Թուրքիայի համար և ավելացնում, որ միայն այս կերպ է հնարավոր ազատվել նախագահ Էրդողանից և կառավարությունից։

Աղբյուր` haber7.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։