Հունաստանից պատասխանել են Աթենքին հրթիռով հարվածելու Էրդողանի սպառնալիքին

Քաղաքական11:20, 13 Դեկտեմբեր 2022

Հունաստանից պատասխանել են Աթենքին հրթիռով հարվածելու Էրդողանի սպառնալիքին

Հունաստանի արտգործնախարար Նիկոս Դենդիասը պատասխանել է Թուրքիայի նախագահ Ռեջեփ Թայիփ Էրդողանի՝ Աթենքին թուրքական արտադրության հրթիռով հարվածելու սպառնալիքին:

Դենդիասը Թուրքիայի նախագահի պահվածքը համեմատել է Հյուսիսային Կորեայի նախագահի պահվածքի հետ:

«Հյուսիսային Կորեայից չտարբերվող մոտեցումները չպետք է տեղ ունենան ՆԱՏՕ-ում: ՆԱՏՕ-ի անդամ դաշնակից պետության՝ Հունաստանին հրթիռային հարձակմամբ սպառնալն անընդունելի է և պիտի դատապարտվի միջազգայնորեն»,- ասել է Հունաստանի ԱԳ նախարարը:

Հիշեցնենք, որ օրերս Թուրքիայի Սամսուն քաղաքում երիտասարդների հետ հանդիպման ժամանակ Էրդողանն ասել էր.

«Հիմա մենք սկսել ենք սեփական հրթիռները պատրաստել։ Այս արտադրությունը, իհարկե, վախեցնում է հույներին։ «Թայֆուն» (թուրքական արտադրության հրթիռ) ասելիս հույնը վախենում է և ասում՝ կհարվածի Աթենքին: Իհարկե կհարվածի: Եթե հանգիստ չմնաս։ Եթե դու Ամերիկայից ինչ-որ բաներ գնես կղզիները ռազմականացնելու համար, Թուրքիայի պես պետությունը հո տանձ չի հավաքելու այդ ժամանակ»:

Աղբյուր` Haberler

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։