Էրդողանը Պուտինի ու Զելենսկու հետ կքննարկի հացահատիկի միջանցքի հարցը

Քաղաքական15:29, 09 Դեկտեմբեր 2022

Էրդողանը Պուտինի ու Զելենսկու հետ կքննարկի հացահատիկի միջանցքի հարցը

Թուրքիայի նախագահ Ռեջեփ Թայիփ Էրդողանը հայտնել է, որ դեկտեմբերի 11-ին ակնկալում է Ռուսաստանի նախագահ Վլադիմիր Պուտինի հետ հեռախոսազրույց ունենալ։ Պիտի քննարկեն հացահատիկի միջանցքին առնչվող խնդիրները:

«Կիրակի հեռախոսազրույցներ կունենամ պարոն Պուտինի հետ։ Բանակցություններ կլինեն նաև պարոն Զելենսկու հետ», - ասել Է Էրդողանը՝ ելույթ ունենալով TRT World համաժողովում։

Էրդողանը պնդել է, որ Անկարայի բոլոր գործողություններն իբր ուղղված են սևծովյան տարածաշրջանում խաղաղության հասնելուն։

Նա հիշեցրել է, որ Անկարայի միջնորդական ջանքերի շնորհիվ հնարավոր եղավ հասնել Ռուսաստանի Դաշնության և Ուկրաինայի միջև գերիների փոխանակման։

Հիշեցնենք, որ պաշտոնական Անկարան փորձում է միջնորդական դեր խաղալ ռուս-ուկրաինական հակամարտության կարգավորման հարցում։ Թուրքիան չի միանում Արևմուտքի հակառուսական պատժամիջոցներին, միևնույն ժամանակ հանդես է գալիս Ուկրաինայի տարածքային ամբողջականության օգտին։

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։