Սիրիայում Թուրքիայի հնարավոր ռազմագործողության ֆոնին Ստամբուլ է մեկնում ՌԴ փոխարտգործնախարարը

Տարածաշրջան17:02, 07 Դեկտեմբեր 2022

Սիրիայում Թուրքիայի հնարավոր ռազմագործողության ֆոնին Ստամբուլ է մեկնում ՌԴ փոխարտգործնախարարը

Ռուսաստանի փոխարտգործնախարար Սերգեյ Վերշինինը մեկնում է Թուրքիա։ Օրակարգում ընդգրկված են Սիրիայում տեղի ունեցող վերջին զարգացումները՝ Թուրքիայի կողմից Սիրիայի հյուսիսում ցամաքային ռազմական գործողություններ սկսելու համատեքստում, ինչպես նաև թուրք-սիրիական երկկողմ հարաբերությունները։

Նշվում է, որ Վերշինինը Ստամբուլում կլինի դեկտեմբերի 8-ի երեկոյան։

Հիշեցնենք, որ Թուրքիան հերթական անգամ Սիրիայի ինքնիշխան տարածքում մեկ ամիս առաջ սկսել էր «Մագիլ-թուր» անվամբ ռազմաօդային գործողությունը։ Թուրքիայի նախագահ Էրդողանը չէր բացառել, որ միայն օդային հարվածներով չեն սահմանափակվի:

Ստամբուլում տեղի ունեցած ուժեղ պայթյունից հետո Թուրքիայի իշխանությունները հայտարարեցին, որ տեղի ունեցածի ետևում կանգնած են «Քուրդիստանի բանվորական կուսակցությունը» (ՔԲԿ-PKK) և Սիրիայի քրդական ուժերը, որոնց պաշտոնական Անկարան համարում է ահաբեկիչներ։

Թուրքիան PKK-ին նույնացնում է Սիրիայի քրդական ուժերի հետ: Մինչդեռ ԱՄՆ-ն նրանց համարում է կարևոր գործոն տարածաշրջանում ահաբեկիչների և ծայրահեղական ուժերի դեմ պայքարում, ինչը մեծ դժգոհություն է առաջացնում Թուրքիայում:

Աղբյուր` TRThaber

Այս ենթաբաժնի վերջին նորությունները

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։