Չավուշօղլու․ «Ֆինլանդիան ու Շվեդիան դեռ անհրաժեշտ քայլեր ունեն անելու»

Քաղաքական11:35, 29 Նոյեմբեր 2022

Չավուշօղլու․ «Ֆինլանդիան ու Շվեդիան դեռ անհրաժեշտ քայլեր ունեն անելու»

Թուրքիայի արտգործնախարար Մևլյութ Չավուշօղլուն Թուրքմենստանի փոխնախագահ և արտգործնախարար Ռաշիդ Մերեդովի հետ համատեղ մամլո ասուլիսից հետո պատասխանել է լրագրողների հարցերին։

Չավուշօղլուն, նշելով, որ Ռումինիայի մայրաքաղաք Բուխարեստում տեղի կունենա ՆԱՏՕ-ի անդամ երկրների արտգործնախարարների հանդիպում, ասել է, որ դաշինքին Ֆինլանդիայի ու Շվեդիայի անդամակցության համար ձեռք բերված եռակողմ համաձայնության շրջանակներում դեռ անհրաժեշտ քայլեր կան, որ պիտի արվեն։

«Յանս Ստոլտենբերգի հետ Ստամբուլում կայացած հանդիպումից հետո եթե անգամ որոշ դրական քայլեր արվել են, միևնույն է, եռակողմ հանդիպման աշխատանքները պետք է շարունակվեն։ Ֆինլանդիայի հետ այդքան շատ խնդիր չկա։ Ավելի շատ Շվեդիայի հետ խնդիրներ ունենք։ Ընդհանուր առմամբ ավելի շատ կարիք կա, որ Շվեդիան քայլեր անի»,- ասել է նա։

Անդրադառնալով Եգիպտոսի հետ հարաբերություններին՝ Թուրքիայի արտգործնախարարը նշել է, որ առաջիկայում հնարավոր է Թուրքիան դեսպան նշանակի Եգիպտոսում։

Սիրիայի վերաբերյալ հարցերին էլ պատասխանելով՝ Չավուշօղլուն հայտնել է, որ իրենց նպատակը Սիրիայում քաղաքացիական պատերազմին վերջ դնելն է։

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։