Էրդողանը՝ լրագրողին. «Մեզ ավելի կարևոր գործերի համար են կանչում, օքե՞յ»

Քաղաքական13:58, 16 Նոյեմբեր 2022

Էրդողանը՝ լրագրողին. «Մեզ ավելի կարևոր գործերի համար են կանչում, օքե՞յ»

Ինդոնեզիայում անցկացվող Մեծ քսանյակի (G20) գագաթնաժողովին մասնակցող Թուրքիայի նախագահ Ռեջեփ Թայիփ Էրդողանը պատասխանել է լրագրողների հարցերին:

Նրանցից մեկն Էրդողանից հետաքրքրվել է, թե ինչու ինքը չի հրավիրվել ԱՄՆ նախագահ Ջո Բայդենի կազմակերպած ՆԱՏՕ-ի անդամ երկրների ղեկավարների խորհրդակցությանը:

Նշենք, որ տվյալ խորհրդակցությունը հրավիրվել է նոյեմբերի 15-ին Լեհաստանի տարածքում ընկած հրթիռների պատկանելիությունը պարզելու ու ՆԱՏՕ-ի կողմից համապատասխան արձագանք տալու կապակցությամբ:

Թուրքիայի նախագահը, լրագրողի հարցին ի պատասխան, նրան խորհուրդ է տվել գնալ և դաշինքի անդամ մյուս 20 երկրներին ևս տալ այդ նույն հարցը, քանի որ խորհրդակցությանը մասնակցել է ընդամենը 6 երկրի ղեկավար:

Ըստ Էրդողանի՝ այնքան էլ կարևոր խորհրդակցություն չի եղել, քանի որ նպատակը եղել որոշելու հրթիռի տեսակը՝ ավելացնելով, որ Բայդենն արդեն հայտարարել է, որ հրթիռը ռուսական չի եղել:

«Դա մի կարևոր բան չէր։ Մեզ ավելի կարևոր գործերի համար են կանչում: Անկարևոր գործերին մեր գնալու կարիքը չկա: Օքե՞յ»,- եզրափակել է Էրդողանը:

Աղբյուր` Csahaber

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։