Համաշխարհային բժշկական ասոցիացիան դատապարտել է թուրք գործընկերոջ ձերաբակալությունը

Քաղաքական13:14, 27 Հոկտեմբեր 2022

Համաշխարհային բժշկական ասոցիացիան դատապարտել է թուրք գործընկերոջ ձերաբակալությունը

Համաշխարհային բժշկական ասոցիացիան դատապարտող հայտարարություն է տարածել «Թուրքական բժշկական ասոցիացիայի» նախագահ դոկտոր, պրոֆեսոր Շեբնեմ Քորուր Ֆինջանջըի ձերբակալության կապակցությամբ:

Ֆինջանջըն ձերբակալվել էր թուրքական բանակի կողմից քուրդ զինյալների դեմ քիմիական զենք օգտագործելու մասին արած հայտարությունից հետո:

Համաշխարհային բժշկական ասոցիացիայի հայտարարության մեջ անընդունելի է համարվել Ֆինջանջըի ձերբակալությունն ու միության մյուս անդամներին պաշտոնանկ անելու սպառնալիքները:

«ՀԲԱ-ն միանում է թուրքական իշխանությունների հրամանով քրդական «PKK» խմբավորման դեմ քիմիական զենքի կիրառման վերաբերյալ անկախ հետաքննության անցկացման կոչին: Թուրքական բժշկական ասոցիացիայի անդամների դեմ կատարվող այս ոտնձգություններն ամբողջովին անօրինական են»,- ասված է հայտարարության մեջ:

Հիշեցնենք, որ նախօրեին Ստամբուլում ձերբակալված Ֆինջանջըին Անկարայի գլավոր դատախազության կողմից սկսված հետաքննության շրջանակներում «ահաբեկչական կազմակերպության համար քարոզչություն անելու» մեղադրանք է առաջադրվել:

Հետաքննություն սկսելու պատճառ էր դարձել նրա հայտարարությունն առ այն, որ թուրքական բանակը քուրդ զինյալների հետ բախումներում վերջինների դեմ քիմիական զենք է օգտագործել: Համացանցային մի հեռուստաալիքի տված հարցազրույցում Ֆինջանջըն ասել էր, որ նման եզրակացության է հանգել զննելով սպանված «ահաբեկիչների» մարմինները: Թուրք պրոֆեսորն ասել էր, որ օգտագործվել է նյարդային համակարգն ուղիղ ախտահարող թունավոր գազերի տեսակներից մեկը:

Աղբյուր` Diken

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։