Չավուշօղլուն խոսել է հայկական կողմի հետ հանդիպումների հնարավորության մասին

Քաղաքական17:53, 17 Հոկտեմբեր 2022

Չավուշօղլուն խոսել է հայկական կողմի հետ հանդիպումների հնարավորության մասին

Թյուրքական պետությունների կազմակերպության արտաքին գործերի նախարարների խորհրդի արտահերթ նիստից հետո Թուրքիայի արտգործնախարար Մևլութ Չավուշօղլուն մամուլի ասուլիս է տվել։

Ադրբեջանցի լրագրողը հարցրել է, թե արդյոք անցկացվելու են հանդիպումներ Հայաստանի ու Թուրքիա ԱԳ նախարարների միջև, ինչպես նաև հարաբերությունների կարգավորման հատուկ ներկայացուցիչների միջև Հայաստանում կամ Թուրքիայում։ Նա հիշեցրել է, որ Չավուշօղլուի այն խոսքերը, ըստ որոնց, պայմանավորվածություն է ձեռք բերվել հատուկ ներկայացուցիչների հանդիպումները Թուրքիայում և Հայաստանում անցկացնելու շուրջ։

«Պրահայում Փաշինյանի հետ հանդիպմանը այս հարցը ղեկավարների կողմից վերահաստատվել է: Հետևաբար, արդեն 3-րդ երկրներ գնալու կարիք չկա: Հատուկ ներկայացուցիչներ պարոն Սերդարը և Ռուբինյանը շարարունակաբար հեռախոսակապի մեջ են: Նրանք իրար հետ կորոշեն՝ երբ Թուրքիայում հանդիպեն, երբ՝ Հայաստանում:

Այն հանդիպմանը (Պրահայի հանդիպումը) Փաշինյանը որոշ առաջարկներ է արել: Մեր նախագահն էլ ասաց, թող ԱԳ նախարարները, հատուկ ներկայացուցիչներն աշխատեն այդ ուղղությամբ և աշխատանքները ներկայացնեն մեզ: Սա առաջարկ էր, որին նաև Փաշինյանը կողմ եղավ»,- արձագանքել է Թուրքիայի արտգործնախարարը՝ շեշտելով, որ իրենք բոլոր հարթակներում՝ երկկողմ կամ եռակողմ, միշտ պատրաստ են հանդիպել:

«Բայց արտգործնախարարների մակարդակով երկկողմ հանդիպում անցկացնելու վերաբերյալ, թե որտեղ և երբ կլինի, դեռևս չենք որոշել։ Մենք միշտ պատրաստ ենք հանդիպել: Այստեղ խուսափելու ոչինչ չկա:»,- եզրափակել է Չավուշօղլուն։

Աղբյուր` Anadolu

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։