Չավուշօղլու. «Այսուհետև հատուկ ներկայացուցիչների հանդիպումները Թուրքիայում և Հայաստանում կանցկացվեն»

Քաղաքական16:33, 14 Հոկտեմբեր 2022

Չավուշօղլու. «Այսուհետև հատուկ ներկայացուցիչների հանդիպումները Թուրքիայում և Հայաստանում կանցկացվեն»

Թուրքիայի արտգործնախարար Մևլութ Չավուշօղլուն Կատարի ԱԳՆ-ի ղեկավարի հետ կայացած մամուլի ասուլիսի ժամանակ խոսել է ՀՀ հետ հարաբերությունների կարգավորման վերաբերյալ:

«Մենք այս պահին չունենք պայմանագրի նախագիծ, որը պետք է ստորագրենք Հայաստանի հետ և չենք բանակցում որևէ պայմանագրի շուրջ»-ասել է Չավուշօղլուն, ընդգծելով, որ կողմերը հիմա խոսում են երկու երկրների միջև վստահությունը ամրապնդող քայլերի մասին:

«Մեր հատուկ ներկայացուցիչներն ընդհանուր 4 հանդիպում են անցկացրել, ցավոք՝ բոլորն արտասահմանում: Վերջապես համաձայնության են եկել Թուրքիայում և Հայաստանում հանդիպելու հարցում: Եվ դա հաստատվել է Պրահայում մեր նախագահի ու վարչապետ Փաշինյանի երկկողմ հանդիպման ժամանակ: Այսուհետ հատուկ ներկայացուցիչների հանդիպումները Թուրքիայում և Հայաստանում կանցկացվեն»,-նշել է Թուրքիայի ԱԳՆ-ի ղեկավարը:

Թուրք նախարարի պնդմամբ՝ Հարավային Կովկասի կայունության և մնայուն խաղաղության համար հիմնական խնդիրն այն է, որ Հայաստանի ու Ադրբեջանի միջև դեռևս մնայուն համապարփակ խաղաղության պայմանագիր չի ստորագրվել: Ըստ նրա՝ այդ ուղղությամբ էլ բանակցությունները շարունակվում են:

Աղբյուր` Ermenihaber.am

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։