Տնտեսական12:53, 19 Սեպտեմբեր 2022
Թուրքիան դիմել է Ռուսաստանի օգնությանը
Թուրք վերլուծաբան Բարըշ Սոյդանը դիտարկման է առել ռուս-թուրքական հարաբերությունների ներկա փուլը։ Ըստ նրա՝ կա պայմանավորվածություն և հստակ պլան, որ Թուրքիայի իշխանությունները Ռուսաստանի օգնությամբ չթողնեն թուրքական լիրան շատ արժեզրկվի մինչև 2023-ի համապետական ընտրությունների անցկացումը։
Թուրքիան տարեկան ներկրում է ավելի քան 50 մլրդ դոլարի բնական գազ, որից 40-50 տոկոսը՝ Ռուսաստանից։ Ստացվում է, որ ամեն տարի Թուրքիան Ռուսաստանին վճարում է շուրջ 25 մլրդ դոլար։ Վճարումն արվում է նավթի և գազի տեղափոխման թուրքական «BOTAŞ» ընկերության միջոցով, որն էլ Կենտրոնական բանկից արտարժույթ է գնում։ «BOTAŞ»-ի այդ գնումները լրջորեն քայքայում են Թուրքիայի Կենտրոնական բանկի դոլարային պահուստները։
Եվ դեռ սպասվում է, որ բնական գազի և նավթի գների վերջին աճման հետևանքով Թուրքիան այս տարի էներգակիրների ներմուծման համար ստիպված կլինի ծախսել ավելի քան 100 մլրդ դոլար։
Ահա այս ամենը մեծացնելու է դոլարի նկատմամբ պահանջարկն ու արտարժույթի ճգնաժամի նոր ռիսկեր է ստեղծելու Թուրքիայում։ Եվ այս հարցում օգնության ձեռք է մեկնում Ռուսաստանը։ Պատահական չէր, որ անցյալ շաբաթ Էրդողան-Պուտին հանդիպումից հետո վերջինս հայտարարեց, որ այսւոհետև Ռուսաստանից գնվող բնական գազի 25 տոկոսը Թուրքիան կվճարի ռուբլիով։ Բացի այդ Անկարան Մոսկվայից խնդրել է գնվող բնական գազի համար 25 տոկոս զեղչ և 6-ամսյա մարման ժամկետի հնարավորություն տալ, ինչի շնորհիվ Թուրքիան ընթացիկ ձմեռը կանցնացնի նվազագույն վճարումներով և վերահսկողության տակ կպահի դուլարի կուրսը։ Գոնե մինչև նախագահական և խորհրդարանական ընտրություններ։
«Ծրագիրը շատ պարզ է. Ռուսաստանի աջակցությամբ մինչև ընտրությունների օրը զերծ մնալ արժութային հարձակումներից: Բայց այ թե դրա դիմաց ի՞նչ կուզի Ռուսաստանը Թուրքիայից, ըստ իս՝ դա է ամենակարևոր հարցը»,- հարցադրում է անում թուրք վերլուծաբանը։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Նախարար Օմեր Բոլաթը նշել է, որ 2024-ին Աֆրիակայի հետ առևտրի ծավալներն աճել են ավելի քան 7 անգամ։
Ըստ Թուրքիայի էներգետիկայի և բնական պաշարների նախարարի՝ Թուրքիան վերականգնվող էներգիայի ցուցանիշներով աշխարհում 11-րդն է։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |