Չավուշօղլուն խոսել է հայ-ադրբեջանական սահմանին տեղի ունեցածի մասին

Քաղաքական13:18, 14 Սեպտեմբեր 2022

Չավուշօղլուն խոսել է հայ-ադրբեջանական սահմանին տեղի ունեցածի մասին

Թուրքիայի արտգործնախարար Մևլութ Չավուշօղլուն Անկարայում դիվանագիտական թղթակիցների հետ հանդիպմանն անդրադարձել է հայ-ադրբեջանական սահմանին Բաքվի սանձազերծած ագրեսիային: Չշեղվելով ադրբեջանական քարոզչական գծից՝ նա Հայաստանին է մեղադրել զինված բախումներ սկսելու մեջ:

Չավուշօղլուն նախ խոսել է Ադրբեջանի կողմից Հայաստանին արված համապարփակ խաղաղության պայմանագրի առաջարկի ու Թուրքիայի հետ հարաբերությունների կարգավորմանը միտված գործընթացի մասին: Ապա Հայաստանին մեղադրել է համապարփակ խաղաղություն կնքելու մասին Ադրբեջանի առաջարկը երկար ժամանակ անպատասխան թողնելու մեջ։

Չավուշօղլուն հերթական անգամ Հայաստանի քայլներն անվանել է «սադրիչ» ու շեշտել, որ Ադրբեջանն էլ իր հերթին պատասխանում է դրանց։

«Եթե մենք ցանկանում ենք այստեղ տևական խաղաղություն, Հայաստանը պետք է հրաժարվի սադրանքներից և համագործակցությանն ու խաղաղությունը միտված անկեղծ քայլեր ձեռնարկի՝ թե՛ մեր, թե՛ Ադրբեջանի ուղղությամբ»,- եզրափակել է Թուրքիայի արտգործնախարարը։

Նշենք, որ այս օրերին թուրք բարձրաստիճան պաշտոնյաներն իրենց հայտարարություններում անվերապահ աջակցություն են հայտնում ՀՀ ինքնիշխան տարածքի վրա հարձակված Ադրբեջանին: Այդ համատեքստում նաև ակտիվորեն առաջ են տանում ադրբեջանական կեղծ քարողչությունն առ այն, թե իբրև Հայաստանն է սկսել սահմանային բախումները:

Աղբյուր` Milliyet

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։