ԱՄՆ-ն Էրդողանին ակնարկել է հրաժարվել ագրեսիվ հռետորաբանությունից Հունաստանի հարցում

Քաղաքական17:00, 07 Սեպտեմբեր 2022

ԱՄՆ-ն Էրդողանին ակնարկել է հրաժարվել ագրեսիվ հռետորաբանությունից Հունաստանի հարցում

ԱՄՆ պետքարտուղարությունն արձագանքել է Հունաստանի վերաբերյալ Թուրքիայի նախագահ Ռեջեփ Թայիփ Էրդողանի վերջին հայտարարությանը, որտեղ նա թուրք-հունական լարվածության ֆոնին սպառնացել էր Աթենքին: Էրդողանը մասնավորապես բառացի ասել էր. «Մի գիշեր հանկարծակի կարող ենք գալ»։

Ըստ ԱՄՆ պետքարտուղարության գրավոր հայտարարության՝ իրենք կողմ են, որ ՆԱՏՕ-ի անդամներ և ԱՄՆ-ի դաշնակիցներ Հունաստանի ու Թուրքիայի միջև լարվածությունը հարթվի դիվանագիտական ճանապարհով: Վաշինգտոնը կողմերին կոչ է արել հրաժարվել ագրեսիվ հռետորաբանությունից և այնպիսի քայլերից, որոնք էլ ավելի կսրեն իրավիճակը:

Նշվել է, որ Պենտագոնի ղեկավարը մշտապես կապի մեջ է կողմերի հետ՝ առկա լարվածությունը թուլացնելու նպատակով:

Ավելի վաղ հայտնի դարձավ, որ Թուրքիայի պաշտպանության նախարարությունը պատրաստվում է տեղեկություն տրամադրել ՆԱՏՕ-ին Էգեյան ծովի օդային տարածքում հունական ՀՕՊ համակարգերի կողմից թուրքական ինքնաթիռները նշանառության տակ առնելու լուրերի վերաբերյալ:

Իսկ հունական կողմը հերքել էր թուրքական ինքնաթիռները նշանառության տակ առնելու կամ հետապնդելու մասին թուրքական մամուլում տարածված տեղեկությունը՝ համարելով դրանք անհիմն: Ավելին, հունական կողմը պարբերաբար հայտարարություն է տարածում թուրքական օդուժի կողմից իրենց օդային սահմանի խախտումների վերաբերյալ:

Իսկ վերջերս, ըստ թուրքական կողմի, հունական կործանիչները հետապնդել էին թուրքական ռազմական ինքնաթիռներին, բայց Աթենքն այդ մեղադրանքները ևս հերքել էր:

Աղբյուր` Ermenihaber.am

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։