Իրավական13:11, 16 Օգոստոս 2022
Թուրքիայում շարունակվում են լրագրողների ու լրագրության նկատմամբ ճնշումները. զեկույց
«Punto 24» անկախ լրագրողական ասոցիացիայի կազմում գործող «Expression Interrupted» հարթակը «Խոսքի և մամուլի ազատության օրակարգի» հերթական զեկույցն է կազմել: Ապրիլ, մայիս և հունիս ամիսներն ընդգրկող զեկույցում առանձնահտուկ տեղ է հատկացված Թուրքիայում խոսքի ու մամուլի ազատության բնագավառում առկա վիճակին:
Նշվում է, որ Թուրքիայում այդ ոլորտում գրանցված հետընթացը 2022-ի 2-րդ եռամսյակում արդեն նկատելի չափերի է հասել: Խոսվում է այդ երկրում ազատազրկված լրագրողների մասին, որոնց թիվը Դիարբեքիրում վերջին շրջանում ձերբակալված 15 լրագրողների ու ոլորտի աշխատողների հետ միասին հասել է 67-ի:
Ըստ բաց աղբյուրներից հավաքված տեղեկությունների՝ խնդրո առարկա ժամանակահատվածում 116 դատավարությունների շրջանակներում 168 լրագրող կանգնել է դատարանի առջև: Այդ ընթացքում ավարտված 22 դատավարությանից 8-ի շրջանակներում 9 լրագրող դատապարտվել է 17 տարի 6 ամսվա ազատազրկման։
Լրագրողներին ամենահաճախ առաջադրված մեղադրանքների 1-ին հորիզոնականում «ահաբեկչական կազմակերպության օգտին քարոզչություն անելու» և «ահաբեկչական կազմակերպության անդամ լինելու» մեղադրանքներն են: Դրանց հաջորդում են «պետական պաշտոնյային վիրավորելու» և «հանրապետության նախագահին վիրավորելու» մեղադրանքները:
Լրագրության դեմ իրականացվող խիստ գրաքննական քաղաքականություններից տուժել են նաև միջազգային լրատվական գործակալությունների թուրքական ծառայությունները: Դրանցից Deutsche Welle-ի ու «Ամերիկայի ձայնի» (VOA) կայքերի հասանելիությունն ուղղակի արգելափակվել է՝ լիցենզիայի կանոնները խախտելու պատրվակով:
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |