Թուրքիայի ՊՆ. հացահատիկով բեռնված 1-ին նավը կշարժվի Օդեսայի նավահանգստից

Քաղաքական11:48, 01 Օգոստոս 2022

Թուրքիայի ՊՆ. հացահատիկով բեռնված 1-ին նավը կշարժվի Օդեսայի նավահանգստից

Թուրքիայի Պաշտպանության նախարարությունը հայտարարել է, որ օրեր առաջ Ստամբուլում ստորագրված «հացահատիկի միջանցքի» վերաբերյալ համաձայնության շրջանակներում հացահատիկով բեռնված 1-ին նավը կշարժվի Օդեսայի նավահանգստից: Նշվել է, որ Սիերա Լիոնեի դրոշով Razoni անվանումով նավը 26 տ. եգիպտացորեն կտեղափոխի Լիբանան: Նավը նախ կմոտենա Ստամբուլի ափերին, որտեղ համապատասխան ստուգումներից հետո միայն կուղևորվի Լիբանան:

«2022 թվականի հուլիսի 22-ին Թուրքիայի, Ռուսաստանի Դաշնության, Ուկրաինայի և ՄԱԿ-ի միջև ստորագրված «Ուկրաինայի նավահանգիստներից հացահատիկի և սննդամթերքի անվտանգ տեղափոխում» փաստաթղթի շրջանակներում փոխադրում իրականացնող այս առաջին նավից հետո, սահմանված միջանցքի և ընթացակարգերի շրջանակներում նախատեսվում է նաև այլ նավերի մեկնում»,- ասված է Թուրքիայի ՊՆ հաղորդագրության մեջ:

Հուլիս 31-ին էլ Թուրքիայի նախագահականի խոսնակ Իբրահիմ Քալընը էր հայտարարել, որ Ուկրաինայից հացահատիկի անվտանգ դուրսբերման վերաբերյալ կնքված պայմանագրի շրջանակներում օգոտոսի 1-ին հացահատիկով բեռնված առաջին նավը կարող է դուրս գալ ուկրաինական նավահանգստից:

Աղբյուր` Evrensel

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։