Քաղաքական15:15, 27 Հուլիս 2022
Ղրղզստանում հանդիպել են թյուրքալեզու երկրների հետախուզական ծառայությունների ղեկավարները
Ղրղզստանի նախագահ Սադիր Ժապարովն ընդունել է Թյուրքալեզու երկրների հատուկ ծառայությունների 24-րդ կոնֆերանսին մասնակցող պատվիրակությունների ղեկավարներին։
Հանդիպմանը մասնակցել է Թուրքիայի ազգային հետախուզական կազմակերպության ղեկավար Հաքան Ֆիդանը, Ադրբեջանի պետական անվտանգության ծառայության ղեկավար Ալի Նաղիևը և արտաքին հետախուզության կազմակերպության պետի տեղակալ Սամիր Իսմաիլովը, Ղրղզստանի և Ղազախստանի ազգային անվտանգության պետական կոմիտեների ղեկավարները, Ուզբեկստանի պետական անվտանգության ծառայության պետը։
Ղրղզստանի նախագահը նշել է, որ իրենց երկրների հետախուզական կազմակերպությունները հատկապես պետք է ուշադրություն դարձնեն մեր օրերում Միջին Արևելքում և Աֆղանստանում ահաբեկչական գործունեության աճին, որ հասել է որոշ երկրների ամբողջականությանը սպառնացող չափերի։ Նա շեշտել է, որ ժամանակաշրջանի խնդիրները լուծելու, դժվարություններն ու սպառնալիքները հաղթահարելու համար նոր մոտեցումներ են անհրաժեշտ։
Ժապարովը հավատ է արտահայտել առ այն, որ իրենց հարթակում իմաստալից և կառուցողական քննարկումները կարևոր ներդրում կլինեն թյուրքական աշխարհի անվտանգության ապահովման օգտին։
Ղրղզստանի նախագահը կարծիք է հայտնել, որ հանդիպմանը մասնակցող երկրների հատուկ ծառայությունների սերտ փոխգործակցությունը կուժեղացնի անվտանգությունը և կօգնի միջազգային ահաբեկչության, արմատականության և այլ գլոբալ խնդիրների դեմ արդյունավետ պայքարին։ Ընդգծել է, որ ղրղզական կողմը պատրաստ է այս արժեքների հիման վրա արդյունավետ աշխատել «թյուրքական եղբայրական ժողովուրդների» հետ։
Հիշեցնենք, որ Թյուրքալեզու երկրների հատուկ ծառայությունների կոնֆերանսը (TÜRKON) հիմնադրվել է Ադրբեջանի, Ղազախստանի, Ղրղզստանի և Թուրքիայի հատուկ ծառայությունների կողմից 1998թ․ մայիսի 20-ին։ Ուզբեկստանը դրան միացել է 2018թ․։
Այս ենթաբաժնի վերջին նորությունները
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի նախագահն անդրադարձել է Թրամփ-Պուտին հանդիպմանը։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |