Տարածաշրջան12:19, 20 Հուլիս 2022
Թուրքիայի և Իրանի համատեղ հայտարարությունը Թեհրանում
Թուրքիայի նախագահ Ռեջեփ Թայիփ Էրդողանի և Իրանի նախագահ Էբրահիմ Ռայիսի համանախագահությամբ կայացած Բարձր մակարդակի համագործակցության խորհրդի 7-րդ նիստից հետո հրապարակվել է համատեղ հայտարարություն։
Համատեղ հայտարարության համաձայն՝ կողմերը, ի լրումն երկկողմ հարաբերությունների ներկա վիճակի, տարածաշրջանային և գլոբալ զարգացումների լույսի ներքո, ընդգծել են վերջին չորս դարում փոխադարձ հարգանքի, փոխադարձ շահերի և բարիդրացիության վրա հիմնված եղբայրական ու բարեկամական հարաբերությունների առկայությունը, ինչպես նաև այդ հարաբերությունների ընդլայնման կարևորությունը:
Վերահաստատվել է երկու երկրների բարձրաստիճան պաշտոնյաների ամուր քաղաքական կամքը՝ շարունակաբար զարգացնելու իրենց տնտեսական, առևտրային և տարանցիկ կապերը։
Շեշտվել է Բարձր մակարդակի համագործակցության խորհրդի նախորդ նիստերում ընդունված որոշումների իրականացման կարևորությունը:
Երկկողմ և տարածաշրջանային մակարդակներում կողմերն արտահայտել են ահաբեկչության բոլոր ձևերի դեմ պայքարելու միասնական քաղաքական կամք դրսևորելու անհրաժեշտությունը:
Բացի այդ ընդգծվել է հակամարտությունների խաղաղ կարգավորման համար տարածաշրջանային և միջազգային մեխանիզմների անհերքելի նշանակությունը և ավելի արդար միջազգային կարգ հաստատելու համար մարդասիրական մոտեցումների անհրաժեշտությունը։
Թուրքական և իրանական կողմերը գնահատել են նաև իրենց տնտեսական համագործակցության նոր հնարավորությունները:
Լիովին օգտվելով առկա մեխանիզմներից և ամբողջությամբ կիրառելով գործող համաձայնագրերն ու կանոնակարգերը, հաշվի առնելով նաև Համատեղ տնտեսական հանձնաժողովի, Առևտրի արտոնյալ համաձայնագրի, տրանսպորտի, բանկային, մաքսային, առողջապահության և գյուղատնտեսության ոլորտներում համագործակցության համատեղ կոմիտեների առկայությունը՝ կողմերը պայմանավորվել են ավելացնել առևտրատնտեսական համագործակցությունը, վերահաստատել են իրենց հանձնառությունը նոր հնարավորություններ ստեղծելու համար:
Կամք է դրսևորվել խրախուսելու մասնավոր հատվածներին համատեղ ներդրումներ կատարել ենթակառուցվածքներում, տարածաշրջանային մայրուղիներում և երկաթուղիներում, տարանցիկ և տրանսպորտային միջանցքներում:
Շեշտը դրվել է նաև էներգետիկայի ոլորտում երկկողմ համագործակցության ամրապնդման և ընդլայնման վրա։
Կարևորվել է Թուրքիայի և Իրանի միջև առկա խորհրդարանական դիվանագիտությունը և դրա ընդլայնումը խորհրդարանների համագործակցության միջոցով։
Հակամարտությունների համատեքստում կարևորվել է քաղաքական երկխոսությունը:
Նշվել է, որ միջազգային քաղաքական վեճերը կարող են լուծվել միայն բովանդակալից քաղաքական երկխոսության, այլ ոչ թե միակողմանի պատժամիջոցների միջոցով։
Մտահոգություններ են արտահայտվել ուկրաինական պատերազմի բացասական հետևանքների վերաբերյալ։ Բացահայտվել է բանակցությունների արդյունքում ձեռք բերվող լուծման անհրաժեշտությունն ու հրատապությունը։ Ընդգծվել է ճգնաժամի հումանիտար հետևանքների վերացման ուղղությամբ համատեղ ջանքերի կարևորությունը:
Հարավային Կովկասում բազմակողմ համագործակցության զարգացման տեսանկյունից ընդգծվել է 3+3 տարածաշրջանային խորհրդակցությունների հարթակի կարևորությունը և այդ ձևաչափով հանդիպումների կազմակերպման անհրաժեշտությունը։
Այս ենթաբաժնի վերջին նորությունները
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Թուրքիայի արևելյան Թոքաթ նահանգում 3-րդ երկրաշարժն է գրանցվել 1 օրում: Կան ավերածություններ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |