Էրդողանը կմեկնի Լատինական Ամերիկայի երկրներ

Քաղաքական13:26, 19 Հուլիս 2022

Էրդողանը կմեկնի Լատինական Ամերիկայի երկրներ

Թուրքիայի նախագահ Ռեջեփ Թայիփ Էրդողանը հուլիսի 25-ին քառօրյա այց է կատարելու Լատինական Ամերիկա։ Նա լինելու է Մեքսիկայում, Վենեսուելայում և Արգենտինայում։

Քննարկվելու են այդ երկրների հետ Թուրքիայի երկկողմ հարաբերությունները, ինչպես նաև տարածաշրջանի երկրների հետ առևտրաշրջանառության ծավալների մեծացմանն ուղղված քայլերը։

Էրդողանն իր վերջին այցը Մեքսիկա կատարել է 7 տարի առաջ։ Նա այս անգամ նախ առանձին, ապա՝ պատվիրակությունների մասնակցությամբ հանդիպում է ունենալու Մեքսիկայի նախագահ Անդրես Մանուել Լոպես Օբրադորի հետ։ Թուրքիայի և Մեքսիկայի միջև առևտրաշրջանառությունը 2019 թվականին կազմել է 1․3 մլրդ դոլար։ Ազատ Առևտրի համաձայնագրի շուրջ բանակցությունները շարունակվում են։

Վենեսուելայում Էրդողանը հանդիպելու է նախագահ Նիկոլաս Մադուրոյին։ Երկու երկրների միջև առևտրաշրջանառությունը 2021 թվականին կազմել է 852 մլն դոլար։

Էրդողանի վերջին կանգառը լինելու է Արգենտինան, որտեղ նա վերջին անագմ եղել էր 2018 թվականին՝ մասնակցելու Մեծ քսանյակի (G20) երկրների առաջնորդների գագաթնաժողովին։ Թուրքիայի նախագահը հանդիպելու է նախագահ Ալբերտո Ֆերնանդեսի հետ։ Երկկողմ առևտրաշրջանառությունն այժմ գերազանցում է 500 մլն դոլարը։

Աղբյուր` Ahaber.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։